Tulipani
< ArtHolic >
Regjistruar: 11/01/2007
Vendbanimi: Secret Garden
Mesazhe: 4717
|
Emigrantet shqiptare paguajne miliarda euro taksa ne Itali e Greqi
Emigrantët në Itali
Emigrantët e huaj në Itali paguajnë rreth 2 miliardë euro taksa në vit. Këtë
lajm e kanë bërë të ditur mediat italiane, sipas të cilave numri i emigrantëve për këtë vit në Itali ka arritur në 3.7 milionë, duke përbërë kështu 6.2 për qind
të popullsisë totale italiane. "Ndonëse fitojnë mesatarisht vetëm 10 mijë euro në vit, emigrantët në Itali për vitin e kaluar paguan 1 miliardë e 900 milionë euro në formë taksash", shkruan "Il Tempo". Emigrantët shqiptarë përbëjnë 11 për qind të totalit
të emigrantëve në Itali, me gati 400 mijë persona, duke u renditur të tretët pas polakëve dhe rumunëve. Por të dhënat zyrtare nga institucionet e biznesit në Itali tregojnë se emigrantët shqiptarë renditen ndër të parët për sa i përket të bërit biznes. Më shumë se 18 mijë emigrantë shqiptarë drejtojnë biznese në Itali. Shifrën e ka publikuar Dhoma e Bashkuar e Milanos, sipas së cilës numri i emigrantëve
shqiptarë, që po bëhen drejtues të kompanive italiane po rritet nga viti në vit. Por paradoksi është po ti krahasosh këto të dhëna me sipërmarrësit italianë që operojnë në Shqipëri. Sipas të dhënave zyrtare, mësohet se në vendin tonë numërohen vetëm pak më shumë se 500 kompani, në krye të të cilave qëndron një
titullar ose pronar italian. Këto të dhëna mund të ngjajnë paradoksale, duke pasur parasysh faktin se Italia është investitori i dytë i huaj më i madh në vendin
tonë, me gati 21 për qind të investimeve të huaja direkte. Disa ekspertë e shpjegojnë këtë me nivelin e ulët të investimeve të huaja direkte në vendin tonë,
si dhe me klimën problematike. Sipas tyre, Shqipëria ndonëse ofron potenciale të mëdha për të bërë biznes, ende nuk po arrin të bëhet një vend tërheqës në sytë
e investitorëve të huaj.
Emigrantët në Greqi
Emigrantët shqiptarë që punojnë e jetojnë në Greqi llogaritet të kenë depozituar në bankat e shtetit helen rreth 2 miliardë euro. Shifrën e kanë bërë të ditur mediat e shkruara greke, duke ju referuar të dhënave të marra nga bankat tregtare të këtij
vendi. Shuma prej dy miliardë eurosh është e barabartë me rreth 30 për qind të Produktit të Brendshëm Bruto të Shqipërisë. Në rast se këto para do të ishin
transferuar në bankat shqiptare, atëherë ekonomia e vendit do të kishte më shumë burime monetare në dispozicion për të financuar investime të ndryshme. Në
fakt për vite me radhë, dërgesat e emigrantëve kanë financuar deficitin e lartë tregtar të vendit,duke mbajtur të pacenuar aftësinë paguese të ekonomisë
sonë. Në rast se vetëm kursimet e emigrantëve shqiptarë në Greqi do të injektoheshin në ekonominë tonë atëherë Produkti i Brendshëm Bruto i vendit do të
rritej me 30 për qind, çka do të thotë një rritje e ndjeshme edhe e të ardhurave për frymë në vend. Po kështu, kjo shifër është 10 herë më e lartë se investimet e huaja
të drejtpërdrejta në vendin tonë. Por vitet e fundit, institucionet ndërkombëtare që monitorojnë ekonominë shqiptare, si Fondi Monetar Ndërkombëtar dhe Banka
Botërore, kanë lëshuar alarmin se paratë që emigrantët dërgojnë pranë familjeve të tyre do të vijnë në ulje nga viti në vit. Madje për këtë, të dyja këto institucione i
kanë kërkuar qeverisë shqiptare që të hartojë strategji të qarta për të kompensuar këto para, me qëllim që të mos komprometohet rritja ekonomike e vendit. Sipas
studimeve të bëra nga Banka Botërore, një emigrant dërgon para në vendin e tij të lindjes mesatarisht për rreth 14 vjet.
__________________
"Sono gli altri le strade, io sono una piazza, non porto in nessun posto, io sono un posto"
Denonco kėtė mesazh tek moderatorėt | IP: e regjistruar
|