sarandaebukur
Veteran ne forum
Regjistruar: 21/06/2003
Vendbanimi: New-York
Mesazhe: 817
|
"Mos nguroni te flisni gjuhen tone, se asnje s`eshte si ajo!"
Letër e shkruar nga disa nxënës të shkollës "Qemal Stafa", mbi shqetësimin e gjuhës shqipe
Problemet në Shqipëri s'kanë të sosur dhe të gjitha kërkojnë një zgjidhje. Nuk është e lehtë të marrësh në shqyrtim çdo problem që ekziston, kjo për shkak të numrit të madh të çështjeve ende të pazgjidhura, por zgjuarsia qëndron në kuptimin e shkallës së rëndësisë së problemit.
Prej shumë kohësh, në shoqërinë shqiptare, fjalët e huaja kanë zëvendësuar pasurinë e fjalorit shqip dhe kjo ka ndodhur me dëshirën e pavetëdijshme të shumicës së popullit shqiptar.
Kjo ndodh, ndoshta sepse këto fjalë të huazuara janë më të shkurtra për t'u përdorur por ato janë shumë të vështira për t'u kuptuar. Politika bashkë me "aktorët" e saj përpiqet të na mësojnë si të kemi një fjalor sa më "të pastër" dhe si ta pasurojmë atë me sa më shumë fjalë "shqip". Janë pikërisht ata, që në njëfarë mënyre na shtyjnë drejt humbjes së identitetit tonë.
Pse e themi këtë? Ashtu si ne, edhe ju do ta kuptonit mjaft mirë nëse do të ndiqnit me vëmendje një fjalim të kujdo politikani. Sa fjalë prej atyre që ata thonë, nuk realizohen. Ne s'kuptojmë asgjë! Mos do të thotë ky fakt që ne jemi pa kulturë e të painformuar?
Aspak. Kjo ndodh se ne dimë të flasim vetëm shqip, kurse ata përpiqen të na tregojnë vend e pavend "kulturën" e tyre, duke përdorur sa më shumë fjalë të huazuara e barbarizma të gjuhës shqipe.
Nuk duhet harruar edhe fakti se, në Shqipëri, jo të gjithë janë të arsimuar e i kuptojnë këto fjalë "të mëdha", por të gjithë dua të dinë se ç'bëhet. Ne duhet të ndërgjegjësohemi dhe të mos dhunojmë gjuhën shqipe, sepse është gjuha ajo që e bën një shtet me identitet. Eshtë shumë e rëndësishme të theksohet se, ne jemi shqiptarë dhe duhet të kemi një gjuhë tonën, një kulturë dhe një identitet të cilin duhet ta ruajmë.
Populli shqiptar shpesh ka qenë nën trysninë e vendeve të huaja, të cilat janë përpjekur që të vendosin zakonet, traditat dhe gjuhën e tyre. Dhe në një masë të vogël kanë arritur që të vendosin në gojën tonë fjalë jo shqip.
Fatkeqësia
Eshtë vërtet një fatkeqësi, të jetosh në Shqipëri e askush të mos flasë shqip. Tragjizmi i kësaj dukurie qëndron në faktin se, me ritme tepër të shpejta, janë duke u infektuar edhe shumë njerëz të thjeshtë.
Ky është një problem tepër serioz, pavarësisht se rëndësia e tij injorohet. Ka ardhur koha të hapim sytë e të veprojmë, se nëse përhapja e kësaj dukurie vazhdon me këto ritme, në një të ardhme të afërt, do të kemi humbur identitetin tonë dhe do përballemi me gjuhën zyrtare, "të flasim gjuhët e botës".
Ne duhet të japim ndihmesën tonë dhe të rikthejmë cilësinë e gjuhës shqipe ashtu siç duhet të jetë. Kjo vlen në mënyrë të veçantë si këshillë për ata, të cilët, pa dijeni e pengojnë këtë ndihmesë.
Të flasim shqip! Kjo është thirrja që ne u bëjmë politikanëve si fillim, pasi janë ata që na përfaqësojnë, dhe gjithë shqiptarëve, pasi asnjë popull nuk mund të rrojë pa indentitetin e tij. Le të jemi krenarë për identitetin tonë, për vendin tonë, për historinë e lavdishme të tij, por mbi të gjitha të jemi krenarë për gjuhën tonë, për të cilën paraardhësit tanë kanë bërë gjithçka për ta pasur ne sot. Mos nguroni të flisni gjuhën e bukur shqipe, se asnjë gjuhë s'është si ajo!
E Marte 6 mars 2007
------------------------------------------------------
Ana bashkohem me mendimin tend
Pershendetje sarandaebukur
Denonco kėtė mesazh tek moderatorėt | IP: e regjistruar
|