Tulipani
< ArtHolic >
Regjistruar: 11/01/2007
Vendbanimi: Secret Garden
Mesazhe: 4717
|
Njė klauzolė e mbajtur e fshehtė parashikon rritje tė interesit nė 10.65 pėr qind
Ja si dalin kleckat me vone, sikur ia paskemi ndjelle kesaj punes se borxhit. Ky eshte artikulli marre nga Shekulli. Ne s'dime prapaskenat por dhe nje i klases se pare do ti bente llogarite. Keto s'jane arritje, por duhen financime per te mbuluar pislleqet e ketyre viteve 'Duar te pastra'
Ekspertët që menduan se interesi prej euribor plus 9.65 për qind është i tmerrshëm, duhet të kuptojnë se e keqja në fakt nuk ka fund. Një klauzolë e marrëveshjes së qeverisë shqiptare me disa banka vendëse apo të huaja, sanksionon se interesi i kredisë prej 250 milionë eurosh mund të rritet më tej deri në euribor plus 10.65 për qind, në rast se qeveria shqiptare merr një vlerësim më negativ se ai ekzistuesi nga agjencia ndërkombëtare e vlerësimit Moodys. Marrëveshja u publikua së fundmi në Fletoren Zyrtare. Opsioni i rritjes së interesit ishte mbajtur sekret nga Ministria e Financave gjatë prezantimit të marrëveshjes për kredinë që do të shërbejë për financimin e segmentit Rrëshen-Kalimash. Vlerësimi aktual i Shqipërisë nga Moodys është B1, vetëm një shkallë më lartë se vlerësimi B2. Në rast se vlerësimi i Moodys përkeqësohet, Shqipëria do të detyrohet të paguajë 2.5 milionë euro në vit më shumë. Fakti që kredidhënësit e kanë përfshirë në kontratë vlerësimin e Moodys, tregon në vetvete se Shqipëria është në rrugë të keqe. Një vit më parë, qeveria shqiptare mori një kredi prej 230 milionë eurosh te Alpha Bank dhe NBG, me interes euribor plus 1.25 për qind, por aty nuk përmendet fare opsioni i rritjes së interesit.
"Shlyerje e parakohshme"
Ministri i Financave Ridvan Bode shpalli si sukses opsionin e shlyerjes së parakohshme pa penalitete të kësaj kredie dhe deklaroi se "plani i qeverisë është të emetojë eurobonde vitin e ardhshëm për të shlyer këtë kredi". Por në fakt, kontrata përmban edhe opsionin e shtyrjes së shlyerjes së kredisë me 2 vjet të tjera. Kredia maturohet pas 36 muajsh nga tani, pra rreth majit të vitit 2012, por qeveria ka të drejtë të kërkojë shtyrje të pagesës së kredisë edhe për 24 muaj të tjera.
Moodys
Kompania amerikane Moodys vlerëson në mënyrë të pavarur cilësinë e një kredimarrësi. Shërbimi i vlerësimit zakonisht paguhet nga kredimarrësi, me qëllim që të jetë i ndërgjegjshëm për normën e rrezikut që mbart dhe që të shmangë ofertat spekulative nga kredidhënësit.
Shqipëria u vlerësua për herë të parë në vitin 2007, me kërkesë të Ministrisë së Financave. Kredimarrësuit e vlerësuar me B1, B2 dhe B3, konsiderohen si "përgjithësisht të dobët", mbartin normë të lartë rreziku dhe kredidhënia për to vlerësohet si spekulative. Shqipëria pritet të përballet me rritje drastike të borxhit publik këtë vit dhe rreziku që Moodys të ulë vlerësimin e Shqipërisë nga B1 në B2, është i konsiderueshëm. Moodys e ka bërë vlerësimin e fundit për Shqipërinë në dhjetorin e kaluar. Një vlerësim më i freskët i JCR, e cila është gjithashtu e komisionar nga Ministria e Financave, paralajmëroi në prill se Shqipëria "rrezikohet nga shpenzimet delirante paraelektorale të qeverisë".
Qeveria u përball këtë vit me kërkesë të lartë për shpenzime, ku rruga Rrëshen-Kalimash zë pjesën e luanit, ndërkohë që të ardhurat kanë rënë ndjeshëm si pasojë e krizës. Pavarësisht krizës, qeveria rriti pagat dhe pensionet, duke e përkeqësuar më tej situatën, për arsye të thjeshta elektorale. Kombinimi i dy faktorëve bëri që qeveria të marrë një kredi super të shtrenjtë te bankat e huaja, kredi që do tu kushtojë shqiptarëve 80-90 milionë euro vetëm interesa e komisione në tre vitet e ardhshme. Ekspertët e konsiderojnë interesin e kësaj kredie "të tmerrshëm, absurd, të paimagjinueshëm". Por perspektiva është vetëm në rritje.
Klauzola e fshehtë
"Në bazë të paragrafit (b), nëntë pikë gjashtëdhjetë e pesë për qind (9.65%) në vit ose b) nga (dhe duke përfshirë) data kur Shërbimi i Investitorëve të Moody, Inc klasifikon Qenien në Borxh të Jashtëm të rritur afatgjatë, të pasiguruar dhe pa kredi të Republikës së Shqipërisë, nen "B2", dhe në çdo kohë më pas, dhjetë pikë gjashtëdhjetë e pesë për qind (10.65 %) në vit".
Burimi: Ligji 10125
__________________
"Sono gli altri le strade, io sono una piazza, non porto in nessun posto, io sono un posto"
Denonco kėtė mesazh tek moderatorėt | IP: e regjistruar
|