Ana
Whatnot
Regjistruar: 17/02/2003
Vendbanimi: Ja ketu
Mesazhe: 405
|
Syri i nxjerrë, brinjët e thyera, fytyra e mavijosur e fraktura gjithandej. 29-vjeçarja Lirie Ethemi (Dida) dergjet në spitalin e Kukësit, ndërkohë që nuk ka fuqi as të flasë. Ajo nuk ka pësuar ndonjë aksident, por është bërë pre e dhunës barbare të të shoqit. D. Ethemi e ka rrahur nënën e fëmijës vetëm 12-muajsh në mënyrën më mizore, aq sa ajo mund të mbetet invalide përjetë. Mjekët thanë se syri i majtë i 29- vjeçares thuajse është i nxjerrë, ndërsa ajo e ka humbur shikimin në të, Ndërkohë, përveç frakturave të tjera, viktima e dhunës ka edhe thyerje të dy brinjëve.
TELEFONATA
Nëse nuk vjen shpejt, do më gjesh të vdekur. Me këtë fjali ka mundur të perifrazojë gjithçka kishte ndodhur në familjen e saj, Lirie Ethemi tek vëllai i saj me telefon. I alarmuar nga telefonata, Gazmend Dida, vëllai i Liries është nisur menjëherë në fshatin Shëmri, ku kishte dhënë dy vjet më parë për nuse të motrën. Ai e ka gjetur 29-vjeçaren thuajse pa ndjenja, në krevatin e saj bashkëshortor, e ndërsa çarçafët ishin mbuluar me gjak. I shoqi, kur ka parë të vëllain tek i afrohej shtëpisë së tij, ka ikur. Ta kam rrahur motrën. Me këto fjalë e ka pritur kunatin 44-vjeçari para se të largohej. Por ulërimat e së motrës nuk i kanë dhënë kohë vëllait të merrej me dhëndrin. Është ngjitur në katin e dytë. U llahtarisa kur e pashë motrën në atë farë feje. Ishte komplet e nxirë, as sa nuk po e njihja. Njëri sy ishte thuajse i dalë. Nuk lëvizte dot nga vendi, e villte gjak. E kishte shembur gjithandej, aq sa gjaku dilte nga goja, nga hunda, - thotë Gazmendi, vëllai i të dhunuarës, teksa i rri tek koka së motrës, në spitalin e Kukësit. Policia duhet të ndërhyjë e të kapë autorin, përndryshe këtu veprohet me vetëgjyqësi, - vijojnë familjarët e tjerë të Liries. Ata pohojnë se nuk do ta lejojnë kurrë më vajzën e tyre të shkelë tek ajo derë, ndërsa tashmë kanë hallin e fëmijës 12-muajshe, e cila ka mbetur në fshatin Shëmri.
POLICIA
Sipas mjekëve, 29-vjeçarja është goditur me mjete të forta, duke i shkaktuar hematoma në sy dhe fraktura në kokë e trup. E dhunuara ka humbur shikim nga një sy, ndërsa i janë thyer edhe dy brinjë. Grupi i gatshëm i policisë së Kukësit, i lajmëruar nga familja e 29-vjeçares, të cilët jetojnë në Përbreg, 50 kilometra larg fshatit të saj, e ka çuar në spital. Villte gjak gjatë gjithë rrugës, - thotë një polic. Prej dy muaj ajo mbante të fshehur një telefon që ia kishte blerë posaçërisht vëllai, Gazmendi. Për çdo gjë më merr në telefon, - i kishte thënë. Liria tregon se ndaj saj është ushtruar dhunë që prej dy vitesh që është martuar, veçanërisht prej një viti, kur janë bërë prindër. Ia kam larë këmbët me ujë në legen, por ai ka pështyrë në të dhe ma ka dërdhur në krye. I kam thënë se nëse e meritoj aq më gjen keq, më vrit, fishekun ta japin vllaznit e mi sipas kanunit, dhe mos më rreh ose më lësho (divorco), - thotë e dhunuara. Ajo thotë me plot gojën se nuk ka për tu kthyer më tek i shoqi, ndërsa ky i fundit është shpallur në kërkim.
22 Prill 2007
__________________
__________________
Success stands mostly in not giving up, when the others have let go.
Denonco kėtė mesazh tek moderatorėt | IP: e regjistruar
|