IQVLORA
me pushime
Regjistruar: 17/09/2003
Vendbanimi: Europe
Mesazhe: 2750
|
Vertet teme interesante Gjergj.Kur lexova titullin kujtesa me coi rreth 40 vjet mbrapa,ne vitet '60.Ishin kohe te veshtira si per te rriturit,por edhe per ne femijet.Ishte koha kur diktatori E H prishi mardheniet me BRSS-n;ishte koha kur familjet shqiptare mendonin se a do te kishin buke per femijet e tyre apo jo.E ndjenim edhe ne hallin e madh te prinderve tane,por harroheshimne lodrat e moshes.Dikujt nga ne prindrit per te hequr mendjen nga e keqja i sillnin ne shtepi libra e revista te kohes per te lexuar.Me kujtohet se ne moshen 7 vjecare kam lexuar librin e pare me tregime i cili titullohej''Djemte e rruges Pal''.Pra paskemi lexuar te njejtin liber une dhe ti Gjergj.Me kujtohet se djemte e rruges Pal dalloheshin nga te tjeret sepse mbanin ne dhembe nje lloj stukoje ne mos gaboj.
Me vone kam lexuar ne roman te titulluar ''Pirati behet Pape'',emri i shkrimtarit nuk me kujtohet.por mendoj se kam qene 10 vjec.Ky roman nuk ish per moshen time por mua ne ra ne dore dhe e lexova.Me vone kam lexuar edhe shume te tjere.Leximi i librave u be pasioni im.Kur fillova gjimnazin ju e dini qe ishin ne programin shkollor leximi dhe recensionimi i romaneve dhe librave me poezi.Nga viti i dyte fillova edhe t'i blija librat e rinj qe dilnin duke pasuruar biblioteken time.Nga autoret e mij te preferuar kane qene Kadareja,P Marko,Driteroi e ndonje tjeter,ndersa nga te huajt pelqeja Dyman,Hygoin,Mo Pasanin,M Tuenin,Pushkinin etj.Ne subkoshiencen time me kane lene mbresa edhe dy librat ku flitet per vuajtjet e e dy vajzave cifute,Ana Frankut dhe Cifutja e Toledos,te cilat artistikisht pershkruajne ngjarje te verteta.
Mbresa me ka lene nje tregim i nje prozatori italian qe titullohej:''Shkronjsi vogel fjorentin''.Tregimi bene fjale ne mos gaboj per italine e kohes se Luftes se Pare Boterore.Nje familje e varfer nga Firence jetonte me shkrimet ose me mire kopjimet, qe bente kryefamiljari per te mbajtur gjalle frymen e familjes se tij.Ai punonte 16 ore ne dite.Djali i vogel 10 vjecar ngrihej naten dhe bente ate pune qe bente i jati ne ndihme te familjes.Si rezultat i lodhjes vogelushinate e zinte gjumi ne shkolle.I jati vuri re se kish disa kohe qe fitonte pak me teper se dikur.Nje dite e ruajti vogelushin dhe ai u ngrit dhe filloi te punonte.Me lot ne sy e mori dhe e shtrengoi fort ne gji birin e tij........ Skena qe pershkruhet eshte shume prekse dhe une kur e kam lexuar,me kujtohet qe qaja me denese.
Romanet e realizmit socialist i kam lexuar te gjithe te dashur miq.Ne kishim ne ato kohe tre momente per te kaluar kohen e lire.Leximin e librave,kinemane ku shikonim ndonje film para dite me cmim te lireose ndonjehere shkonim ne Teater apo estrade me prindrit dhe i treti ishte sporti.
Bjondine romanin ''Nje vjeshte me stuhi.. e ka shkruar Ali Abdihoxha i cili ka shkruar edhe romanin ''Tri ngjyra te kohes''.
Ngjarjet ne ate roman zhvillohen ne qytetin tuaj.Heroina e romanit quhet Lumto Gjinari.
Fatmir Gjata i cili u temb njehere nga nje i huaj i cili i zgjati nje cakmak ne forme pistolete per te ndezur cigaren ka shkruar romanin ''Keneta''.
Dikush ketu thote se ka lexuar edhe libra te verdhe,si Dekameroni apo Nje jete etj.Tani i tregoni ju keto gjera eee!!!
Nuk i mbaje mend numrin e librave qe kam lexuar,por besoj se jane mbi 1 mije.Ne biblioteken time kam edhe 50 me teper sa ka lexuar miku im Lezhiani 26 vjecar.Kaq kane ngelur,sepse mbasi une u largova nga Shqiperia,nje pjese m'i vodhen.Kur i pashe mbas 6 vitesh u merzita shume,por cte beja.Disa te papergjegjshem me shkaktuan nje dem te madh.
Edhe tani bleva nja 10 libra.Nje me poezi eshte shume i bukur.Disa poezi te librit do t'i prezantoje edhe ketu ne forum.
Respekte per ata qe lexojne libra!
__________________
Kur nuk keni mesuar asgje nga askush dhe kur askush nuk ka mesuar asgje nga ne,atehere thjeshte kemi humbur rastin ne jete.
Modifikuar nga IQVLORA datė 29/08/2008 ora 19:31
Denonco kėtė mesazh tek moderatorėt | IP: e regjistruar
|