Fajtori
Apo jo?
Regjistruar: 11/06/2002
Vendbanimi: Europe
Mesazhe: 10706
|
Dodgy llogjika jote nuk justifikon plotesisht situaten tone. Duhet te njohim historine boterore qe te kuptojme ku jemi dhe ku mund te shkojme. Kete nuk e them si predikim. Po te jap disa raste me poshte:
SHBA ka qene nje shtet me shume probleme ne vitet 60% (nderkohe qe ne nuk njihnim probleme te rendit publik). Nje nga presidentet u vra dhe deri me sot hipoteza me e konsoliduar eshte se ka qene grusht shteti i brendshem
Italia ka qene klasikisht nje vend me njollen e luftes se dyte boterore. Misioni i pare ushtarak ku lejuan te marre pjese Italia ishte lufta e gjirit ne vitin '90. Jane tentuar disa here grushte shteti dhe nje kryeminister ju vra nga terrorizmi politik (Aldo Moro).
Anglia ka njohur nje terror dhe demostrata te pergjakshme ne vitet 60-70.
Ne arsim dhe art Shqiperia ishte nje konkurente e denje e vendeve te tjera deri ne vitin '90. Muzikantet tane jane akoma shume te pergatitur, ndersa matematicienet gjithmone shume te afte (flas gjithmone deri ne vitin '90). Shkollat tona ishin shpesh nje ose dy vjet para shkollave perendimore ne programin mesimor. Kete e dine shume prej nesh qe kane patur shoke jashte qe studjonin gjimnaz. Avantazhi arsimor i vendeve te tjera fillonte ne universitet.
Edhe sot tek tuk gjimnazi dhe tetevjecarja jone ja merr liceve perendimore.
Keto i them per nje aresye precize. Duhet te ndalojme vete-uljet qe ne rrenjet e ekzistences tone. Duhet te behemi realiste mbi te mirat qe kishim dhe qe nuk kane lidhje me komunizmin. Vertet nuk dinim cfare ishte cimcakizi por kjo nuk tregon prapambetjen. Te pakten jo fakti ne vetvete. Duhet te kuptojme se diferenca kaq drastike te zhvillimit ekonomik nuk ekzistonin me pare. Jane vitet '90 ato qe thelluan humneren ekonomike lindje-perendim (ose veri-jug sic thone analistet). Per te qene korrekte duhet te shikojme Shqiperine ne dinamizmin e viteve. Nuk mund ta fiksojme as tek Rilindja, as tek Diktatura, as tek Cimcakizi. Sipas meje fiksimi i pamjes tone tek nje fakt apo eveniment po na le shume prapa, pasi nuk kuptojme potencialin qe kemi dhe nuk e shfrytezojme, nderkohe qe vendet e tjera po shfrytezojne mire potencialin e tyre ne kohe. Mendoj se kjo eshte aresyeja qe akoma pas 13 vjetesh nuk kemi dale nga tuneli i tranzicionit.
A nuk ju duket se cdo gje ne Shqiperi eshte tranzitive: qeverite, policet, firmat, drejtoret, ministrat, ligjet, klanet. Paradoksalisht fiksimi i politikes ne dy figura na ben te kemi vazhdimisht tranzicione. Pra fakti se nuk njihnim cimcakizin, ose fakti qe populli yne nuk ka dashur asnje qeveri mbi koke, nuk do te thote se duhet te jete gjithmone keshtu. Ja tani e njohem cimcakizin, a do na coje para kjo ? Apo duhet te pertypim 20 vjet cimcakiz qe te kuptojne se Shqiperine e bejme ne? Duhet te kalojne 20 vjet pertypje qe te arrijme zhvillimin? Une mendoj se jo. Edhe 100 vjet te hame cimcakiz gjerat nuk do levizin po nuk i levizem ne, sepse gjerat nuk levizin vete po nuk i levizi dikush. E aq me pak cimcakizi ka veti cudiberese ne organizimin e shtetit.
Sikur njeri nga ne te jete ne qeveri (largqofte) nuk do dije nga t'ja filloje, sepse gjerat jane ne rrjete. Atehere ti nuk mund te thuresh nje rrjete me nje levizje, duhet ta fillosh thurjen diku e ta kompletosh rrethin e reformave ne skajin tjeter. Cfare do besh me pare:
Do rrisesh rrogat e mjekeve?
Do rrisesh rrogat e arsimtareve?
Do rrisesh rrogat e policeve?
Do luftosh korrupsionin (qe mund te te haje koken)?
Do mendosh per shtresat e varfra?
Do mendosh te fusesh teknologjine (internet, mjekesi, kompjuter ne shkolla etj).
Do mendosh te terheqesh studentet qe studjojne jashte?
Do ruash figuren e atyre qe studjojne brenda?
Do luftosh kriminalitetin e organizuar (qe mund te te haje koken)?
Do forcosh pavaresine e gjykatave?
Do ndihmosh ngritjen e sindikatave?
Do sponsorizosh artin dhe artistet?
Do investosh ne infrastrukture?
Do ndihmosh firmat e fuqishme te afirmohen ne tenderat nderkombetare?
Do krijosh organizmin anti-trust?
Do respektosh Bashkimin Europjan?
Do respektosh SHBA?
Do gjobisesh kompanite telefonike qe mashtruan popullin deri dje?
Do sekuestrosh te ardhurat e biznesmeneve te djeshem ???
etj etj etj etj etj
Te gjitha keto varen nga njera tjetra. Cimcakizi mund te lehtesoje punen por nuk besoj se njohja e cimcakizit ben qe keto gjera te ecin vete. Te kuptohemi: nuk favorizoj diktaturen komuniste qe pati arritje ne disa fusha. E dime te gjithe se pati mega-difekte ne fusha te tjera. Nje nga keto difekte eshte ai problemi kryesor sot: psikologjia ku na la. Mua kjo me intereson sepse nuk jam i interesuar te gjykoj sa e mire apo keqe ishte diktatura, por me intereson te rregulloj te tashmen dhe te ardhmen.
P.s. Ishte mesazh shoqeror dhe jo ironik. Eshte mire te flasim per gjera precize sesi mund te rregullohen gjerat, sepse historia e cimcakizit dhe "mallkimit" qe kemi si popull nuk qendron. Kujtojme te gjithe se qeverisja eshte kollaj por nuk mendojme ndonjehere realisht per problemet qe do gjenim kur te ulemi ne karriken e qeverisjes? Secili i bie gozhdes se vet: pronat, te perndjekurit, korruspioni, varferia, etj, por sesi mund te integrohet zgjidhja e ketyre problemeve ne nje program te sakte askush nuk merr mundimin ta diskutoje.
Qellimi i kesaj teme eshte te diskutohen keto gjera duke evituar depresion dhe fatalizem.
Denonco kėtė mesazh tek moderatorėt | IP: e regjistruar
|