qershor13
Vagabonding
Regjistruar: 05/02/2003
Vendbanimi: Rio
Mesazhe: 2547
|
Mista me misionin "hakmarrja"
Sulmuesi i Valencias do të përballet të dielën në Primera Divizion me ish-klubin e tij, Realin e Madridit.
Mista ka theksuar se "fiksimi" nuk është fjala e duhur. Por për ish-lojtarin e Realit të Madridit, i cili e humbi durimin dhe u largua nga madrilenët kur lufta për një vend në formacion të parë u bë e pashpresë, dëshira për të shënuar gol ndaj kampionëve të Spanjës është e madhe. Këtë të diel, Mista do të drejtojë sulmin e Valencias në duelin e kreut dhe të dyja skuadrat e dinë se fituesja do të ketë një epërsi të vogël në luftën për titullin e Primera Divizionit. Valencia ka dy pikë më pak se Reali dhe skuadra e "Mestajës" shpreson që Mista të jetë arma fituese ndaj dyshes Ronaldo-Raul. Ndeshja e së dielës do të jetë më e rëndësishmja e sezonit dhe të dyja skuadrat kanë bërë një provë, që Mista dëshiron ta harrojë. Mista, i cili është golashënuesi spanjoll më i mirë i kampionatit, bëri paraqitjen më të dobët të sezonit, kur Reali fitoi thellë 3-0 ndaj Valencias në çerekfinalet e Kupës së Mbretit. Ai humbi dy shanse shumë të mira për të shënuar në 10 minutat e para, ndërsa Valencia po dominonte. Sulmuesi humbi më pas edhe shanse të tjera, para se të zëvendësohej në pjesën e dytë. Ndërsa golat e Raulit, Ronaldos dhe Figos u siguruan fitoren madrilenëve. Nëse forma e treguar nga Mista në kampionat do të përsëritej edhe në kupë, atëherë do të kishte qenë Valencia ajo që do të ëndërronte për titullin e parë. "Kemi mësuar se nuk duhen bërë gabime, - tha Mista. - Reali i Madridit është një skuadër që përfiton nga çdo shans që i jepet, por ne do t'i rregullojmë gabimet e bëra në Kupën e Mbretit." Tashmë ai ka një shans për t'u hakmarrë, ndërsa Valencia synon të rifitojë kreun ndaj madrilenëve, që kanë bërë të ditur se synojnë të blejnë Tierri Hanrinë, ose Rud van Nistëlroin. Ishte pikërisht kjo politikë e Realit për të blerë yjet e botës, që e detyroi Mistën të largohej në vitin 1999. Pas tri sezonesh me rezervat, kohë gjatë së cilës nuk arriti t'i tregonte vlerat e tij, ai shkoi te Tenerifi, duke nënshkruar një kontratë që e lejonte të largohej pa para. Mista luajti dy vjet te Tenerifi, para se të ndiqte trajnerin Rafael Benitez te Valencia në verën e vitit 2001. Ai ka fituar një reputacion si sulmues që jep gjithçka në fushë dhe këtë sezon ka lënë shenjë me skuadrën e tij. Mista ka arritur të thyejë rekordin e tij personal, duke shënuar 13 gola në 21 ndeshje të kampionatit spanjoll, dhe është në rrugë të mbarë për të shënuar më shumë. Megjithatë, synimi i tij kryesor është të hakmerret për humbjen në Kupën e Mbretit. "Nuk e kam fiksim të hakmerrem në "Bernabeu", por dua të fshij shijen e keqe të lënë nga humbja në kupë, - tha Mista. - Nuk i kam harruar ende shanset e humbura në atë ndeshje dhe shpresoj që të dielën t'i fshij nga kujtesa."
__________________
Lo scopo della nostra vita č di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtą le Sue creature.Questo significa amore,che dovrebbe sostituire l'odio che si vede ovunque.
Denonco kėtė mesazh tek moderatorėt | IP: e regjistruar
|