sarandaebukur
Veteran ne forum
Regjistruar: 21/06/2003
Vendbanimi: New-York
Mesazhe: 817
|
Kapen 2 kg heroinë, pranga 7 personave
Antidroga realizon dy operacione të njëkohshme në Vlorë dhe në Tiranë
Dy kilogramë heroinë dhe shtatë të arrestuar është bilanci i dy operacioneve të realizuara dje nga Antidroga. Operacionet janë zhvilluar pothuajse në të njëjtën kohë në Tiranë dhe Vlorë, ku policia ka mundur të godasë dy grupe trafikantësh. Burimet zyrtare nga Drejtoria e Përgjithshme e Policisë së Shtetit bënë të ditur se strukturat e luftës kudër krimit të organizuar kanë organizuar dhe finalizuar dy operacione antidrogë në qytetet e Tiranës dhe Vlorës, si rezultat i të cilave u bë i mundur arrestimi në flagrancë i shtatë personave nën akuzën e shitjes së lëndëve narkotike dhe sekuestrimi i një sasie prej rreth dy kilogramë heroinë.
Nga specialistët e Seksionit Kundër Narkotikëve, në bashkëpunim me Njësinë Operacionale pranë Policisë së Tiranës, pasditen e djeshme u finalizua operacioni i koduar "Kolona", duke sekuestruar sasinë prej 1 kg heroinë dhe vendosur nën pranga tre persona. Falë një pune disa javore, mbajtjes nën vëzhgim, duke përdorur metodat speciale të hetimit, nga këto struktura u mundësua goditja në kohë në afërsi të sheshit "Nënë Tereza" dhe arrestimi në flagrancë i shtetasve Mehmet Zyber Belba, 45 vjeç, Elvis Halil Arifaj, 24 vjeç dhe Martin Satedin Bocaj, 22 vjeç, të gjithë banues në Tiranë. Të sipërcituarit u kapën në flagrancë gjatë shkëmbimit të lëndës narkotike të dyshuar heroinë. Këtyre shtetasve iu sekuestrua menjëherë sasia prej një kg heroinë, e cila ishte e ndarë në 2 pako. Gjithashtu, atyre iu sekuestruan 5 celularë, si dhe mjeti tip "Benz", me targë TR3431M. Ndërkohë, gjatë kontrollit të ushtruar në banesat e autorëve, në cilësinë e provës materiale u sekuestrua shuma prej 400 mijë lekë, të cilat janë përfituar nga tregtimi i lëndës narkotike, 1 thikë që plotësonte kushtet e armës së ftohtë, si dhe 5 shashka.
Po dje pasdite, rreth orës 18:00, në sajë të një operacioni të koduar "Aprilia", i organizuar nga Sektori kundër narkotikëve dhe njësia operacionale në Drejtorinë kundër Krimit të Organizuar, në bashkëpunim me Drejtorinë e Policisë së Qarkut Vlorë, u bë i mundur sekuestrimi i një sasie prej rreth 1 kg heroinë dhe arrestimi në flagrancë i 4 shtetasve. "Gjatë operacionit u arrestuan Gentian Lavdosh Mërtiraj, 24 vjeç, i dënuar më parë me 3 vjet burg për vjedhje, Ervin Qemal Lushaj, 21 vjeç, Vilson Refat Lushaj, 40 vjeç, xhaxhai i Ervin Lushajt dhe Ermal Guri Harizaj, 23 vjeç, me aktivitet privat tregtar, të gjithë me banim në Vlorë", tha policia. Sipas të dhënave, këta persona u kapën në flagrancë, në afërsi të shkollës së mesme "Ali Demi" në qytetin e Vlorës, teksa po tentonin të shisnin një sasi prej rreth 1 një kg heroinë të ndarë në dy pako. Operacioni "Aprilia", që bëri të mundur arrestimin e këtyre shtetasve, u realizua falë një hetimi disa javor të strukturave të luftës kundër krimit të organizuar të Policisë së Shtetit. Këtyre personave iu gjetën dhe sekuestruan tre mjete, njëri tip "Volvo", me targa italiane, njëri tip "Benz 180 C Klas" me targa italiane, si dhe një motor "Aprilia" me targë VL601A. Po ashtu iu sekuestruan 4 celularë. Për të dyja rastet nga strukturat e Policisë së Shtetit janë kryer veprimet procedurale për veprën penale të "prodhimit e shitjes së lëndëve narkotike" dhe materialet do ti kalojnë prokurorisë.
----------------------------
Seshte cudi se shoferi i ambasades e conte drogen ne Tirane.. e kush e kontrollonte me targen dibllomatike...Shqiperia vendi ku pastrohen parate..etjKorrupsioni ashiqare...mjer populli me keta dera...
Denonco kėtė mesazh tek moderatorėt | IP: e regjistruar
|