AngelDevil
Shejtone
Regjistruar: 02/05/2009
Vendbanimi:
Mesazhe: 14611
|
Egoizma intelektuale!
Branko Merxhani
Shkak temperamenti. Njerëzit tonë të mësuar nuk janë të formuar ende mirë nga pikëpamja e karakterit intelektual. Nuk kanë një jetë mendore të sinqertë një herë për veten e vet. Jemi pedantë. Çdo njeri prej nesh zbretnë tokën shqiptare drejt për së drejti nga qielli.
Nuk jemi njerz na. Jemi perëndi! Vetëm na i dijmë që të gjitha. Nuk ndjejmë nevojën të hedhim një vështrim rreth e rrotull nesh. Nuk e pranojmë të rrijmë për një çast në ndonjë kënd dhe të mendojmë. Nuk duam të dëgjojmë.
Çdo gjë që thonë të tjerët, çdo gjë që thanë të tjerët para se të zbresim na nga qielli, janë fjalë të kota, të dalura nga mendja e njerzve të vegjël dhe pa vlerë fare. Jemi gati kurdoherë të çfaqemi përmbi skenën dhe të vëmë çdo gur në vend të tij, duke bërë dy tri xheste gjenjale, duke fabrikuar ndonjë dyzinë fjalë bombastike, ose edhe duke botuar dy tri përkthime të nxituara dhe me bujë të madhe. Buja është mjeshtëria jonë. Shkencën e urrejmë. Për systeme skemi nevojë! Atje që të unjemi e të shikojmë se çkanë shkruar të tjerët mbi problemet e njëllojshme, të studjojmë idet e tyre, ti bisedojmë, ti analizojmë, në qoftë edhe negativisht, e gjejmë më të përshtatshme ti lëmë mënjanë gjithë këto gjëra dhe kështu nuk bëjmë asgjë për të krijuar një marrdhënie të mbredshme dhe një vazhdim në mendimin shqiptar. Kjo rrugë ësht një rrugë e vështirë, do durim, do mundim... OH! Systeme do të bëjmë edhe na! Në çpunë hyn lidhja e mbrendshme që thua ti, o shok? Le të na rrojnë gazetat e përditshme dhe revistat që na vijnë rregulisht dhe me kaq shpejtësi nga Europa. Lëndë të lloj-llojshme dhe interesante kanë këto botime të bekuara! Shkrime, shënime, mendime-sa të duash. Hem për dëfrim shpirti, hem për tregim intelektualiteti. Lumi që do të na marrë nëse do të çkëputim ndonjë ditë marrëdhënjet postare me Europën! Dotë krijohet një krizë e tmerrshme iderash në tregon tonë intelektual. Shyqyr Zotit, nuk ka ngjarë deri sot ndonjë katastrofë e këtillë, dhe posta europjane vazhdon të na sjellë ditë për ditë barrën tregtare të pasur të saj. Merr që këtej diçka...ashtu kot, e këndon ndonjë herë shpejt e shpejt dhe duke e vënë përpara syve dhe ...jalla!- Gati i ke mbrënda pak kohe dhe me shumë pak mundim një varg mendimesh origjinale të futura në nji kallëp artikujsh tërheqës dhe elegantë!
Ane sociologjia ane na!
Shkak edukate. Jemi keq edhe për një edukatë intelektuale. Një herë nuk dihet mirë e mirë nëse kemi mbaruar apo jo njëfarë shkolle. I trubullt dhe shumë i dyshimtë është lloji cilësija e përgatitjes sonë shkencore. Edhe në qoftë se kemi mbaruar ndonjë shkollë, e kemi mbaruar pa e nisur ende mirë e mirë. Hym nga njëra derë e pallatit shkollor dhe dualëm nga tjetra. Dhe porsa duallëm, lamtumirë i shkollë, e tungjatjeta o libraa. Aq qe! Shkolla na dha disa të drejta stabilizmi në ndonjë kolltuk shtetnor dhe na ka siguruar ndonjë mjet jetese e mirëmbajtjeje.
Por edukat dhe kultur, që d.m.th jetë mendore, dispozit dhe zotsi për studim dhe për gjurmim, edukat shkencore, filozofike, psikike, asnjë! Marrim për shembull në dorë një themë të historisë dhe themi, kinse, se do ta studjojmë nga pikpamja sociologjike. Por ku ësht sociologjia e ku jemi na!- Një herë historia ësht një shkencë. Nuk është një novelë pa e ashum e goditur e disa ngjarjeve të racës dhe të qejfit. As nuk ësht një filosofi e mbyllur mbrenda disa gjykimeve të zbrazta morale dhe politike. Historjani i tanishëm zotron mirë lëndën e vet dhe përkundrejt ngjarjeve merr një qëndrim krejt të pa-anshëm. Përpiqet të shprehë realitetin e thellë të ngjarjevet dhe jo dukjen e tyre të përjashtëme. Nuk kufizohet me disa përshkrime të thata dhe subersive. Lënda historike e një kombi, ase dhe e një epoke, nuk përbëhet nga kallzime të jetës së tij luftarake. Historjani i sotshëm, që studion historin nga pikpamja sociologjike, jep më tepër rëndësi në studime të dokumentuara dhe të krahasuara rreth institucioneve shoqrore të popujve, edhe jo në përshkrime të lëvizjeve të tyre rreth mbrojtjes së kufireve dhe të kurorëve. Ngjarjet e veçanta të historis, si është p.sh lufta, si edhe çdo lloj tjetër krizash, që shihen në jetën e kaluar të popujve, lidhen në disa rregulla të përgjithshme. Zbulimi i këtyre rregullave ësht një punë e vështirë dhe çelsi i tyre kapet me dorë jo në fillim, por në fundin e gjurmimeve historike. Kurse institucionet shoqrore kanë një ecje zhvillimi shum të ngadalshëm. Për kët shkak, historjani, që studjon historin nga pikëpamja socilogjike, duke studjuar institucionet, punon mbi jnë shesh shumë më të sigurtë dhe kshtu, arrin në përfundime shkencore shum më shpejt. Por një studim historik të krahasuar që ka për qëllim të nxjerrë në shesh përfundime sociologjike të kohës dhe reale, ësht lloji më i zorshëm i studimeve historike. Sepse një herë sociologjia vetë ësht një përmbledhje e gjithë shkencave shoqrore të tjera. Nuk ësht një shkencë e veçantë, por ësht një shkencë e përgjithshme.
__________________
.
Denonco kėtė mesazh tek moderatorėt | IP: e regjistruar
|
24 Janar 2011 19:59
Forumi Horizont > Tema Shoqėrore > Letėrsia > Bota e librit > Egoizma intelektuale!
