Regjistruar: 01/02/2003
Vendbanimi: Philadelphia usa
Mesazhe: 3202

Pushtimi gjerman dhe qendresa popullore.

Sapo kapitulloj Italia fashiste, me 8shtator, vendin e saj e zuri gjermania naziste. Njesit partizane te Ushtris Nacionalclirimtare e priten kudo me arme ushtrine naziste. Luftime te ashpra u zhvilluan ne Xhyre, tek Ura e Kardhiqit, ne rrugen Elbasan-Tiran, ne Kruje, ne afersi te Konispolit, ne Delvin e ne Sarande, ne rrugen Korce-Janine etj. Vecanerisht e ashper ka qene perleshja me trupat gjermane ne Drashovice, ku hitlerjanet u detyruan te terhiqen, duke lene ne fushen e betejes shume te vrare e te plagosur, si dhe sasi te medha materiali luftarak.
Nderkohe, trupat naziste te korpuseveXXI dhe XXII u vendosen ne qendrat kryesore te vendit. Per te mashtruar popullin shqiptar, nazistet deklaruan se do te respektonin panvarsine e Shqjiperis dhe se qendrimi i trupave te tyre ushtarake ishte i perkohshem. Por, nga ana tjeter, ata deklaronin se do ti pergjigjeshin energjikisht cdo sulmi qe do te ndermerej kunder tyre.
Ne te njejten koh, pushtuesit gjermane krijuan nje “Komitet Ekzekutiv te Pergjithshem”, me cifligarin Ibrahim Bicakun ne krye. Kurse me 16 tetor 1943 thirren ne Tirane nje “Asamble Kombetare”, e cila shpalli ndarjen e Shqiperise nga Italia dhe caktoi “Keshillin e larte te regjences” me Mehdi Frasherin ne krye. Me 5nentor Regjenca emeroi qeverine kuislinge me kryetar Rexhep Mitrovicen. Ne te vertet, organizmat e krijuara ishin formal, pasi pushtetin real e kishin Komanda e Larte e ushtrise hitlerjane dhe perfaqsuesi gjerman per Evropen Juglindore H. Hoibaher. Me 18 tetor 1943 artileria e Brigades III goditi me top pallatin ku zhvillonte punimet Asambleja e thirrur nga hitlerianet.
Edhe perballe ketyre zhvillimeve, kreret e Ballit Kombetar vazhduan te qendronin te gozhdura pas politikes se pritmerise. Madje ne kete drejtim u bene dhe disa hapa mbrapa ne krahasim me qendrimin e meparshem. Keshtu ne regjencen dhe ne qeverine kueslinge te krijuar nga gjermanet u futen dhe krere te Ballit Kombetar. Kurse udheheqja e kesaj organizate me 7tetor 1943 leshoi urdhrin per organet vartese qe ato te nderpritnin cdo veprim kunder ushtris hitlerjane. Nga ana tjeter zogistet me Abaz Kupin ne krye, qe deri atehere benin pjese ne Frontin Nacionalclirimtar, te mledhur ne 20 nentor ne nje kongres ne Zallher te Tiranes, shpallen formimin e Partise se Legalitetit. Ne programin e Legalitetit parashikohej qe te luftohej per clirimin e vendit, per rivendosjen e monarkis zogiste dhe te kushtetutes se vitit 1928.



Programi i Levizjes Kombetare te Legalitetit

Pika e pare: Llufte kunder okupatorit per lirine e Shqipnise.
Pika e dyte: Nje shtet shqiptar me te drejtat e tij etnike.
Pika e trete:Regjimi legal, mbretni demokratike parlamentare me me mbret Zogun I
Pika e katert: Reforma shoqnore me qellim qe te permirsohet jeta e popullit dhe te sigurohet nje ndarje me e drejte e pasurive.

Mare nga “Atdheu” organ i Legalitetit,
Nr. 6, date 15kallndor 1944,f.1,4.

__________________
Thuaj ate qe mendon dhe mendo ate qe duhet.

Denonco këtë mesazh tek moderatorët | IP: e regjistruar

Regjistruar: 01/02/2003
Vendbanimi: Philadelphia usa
Mesazhe: 3202

Me qellim qe te shkateronin Ushtrin Nacionalclirimtare dhe te likujdonin Levizjen Nacionalclirimtare te popullit shqiptar, pushtuesit gjerman ndermoren nje mesymje te pergjithshme ushtarake. Ne mesymje , e cila filloj ne nentor 1943, krahas kater divizjoneve te ushtris naziste morem pjese dhe forcat kolaboriste te vendase, te perberea nga xhandare, balliste, etj. Ne kuadrin e mesymjes se pergjithshme, armiku ndermori nje nje varg operacionesh ne zona te ndryshme te vendit.
Me 5 nentor forcat armike sulmuan krahinen e Pezes, ku ndodhej BrigadaIII dhe grupi partizan i Pezes. Luftimet vazhduan 5 dite. Pasi pesuan humbje te medha , hitlerjanet e shkelen Pezen, por forcat partizane munden ta canin rrethimin. Me pas operacioni armik u drejtua per ne Diber dhe ne Mallakaster, ne zonen Cermenik-Shengjin-Martanesh dhe Korce-Berat, ne Malesine e Gjakoves, si dhe ne qarqet e Vlores e teGjirokastres. Njekohesisht armiku kreu operacione edhe ne qytetet kryesore te vendit, si: ne Vlore, ne Dures, ne Elbasan, ne Shkoder, ne Korce, ne Tirane etj. Me operacione te posacme armiku mundi te pushtoj qytetet Pogradec, Berat, Peshkopi, Diber e Madhe, Gjirokaster etj., te cilet qen cliruar pas kapitullimit te italis fashiste.
Kudo trupat armike ndeshen me qendresen e partizaneve dhe te popullit, te cilet qene te detyruar te perballeshin , ne kushte teper te veshtira te dimrit, me nje armik tri kater here me te madhe ne numer e me nje epersi te pa krahasueshme ne teknike luftarake. Ne keto kushte , ushtia fashiste u shkaktoi deme te medha forcave partizane qe vepronin ne Shqiperine e mesme dhe te veriut. Megjithate keto te fundit nuk u asgjesuan. Ato u detyruan te vepronin ne formacione te vogla ne zonat e pushtuara nga hitlerjanet.
Gjate mesymjes se dimrit armiku perdori terrorin ne shkalle te gjere kundre popullsis. Hitlerjanet plackiten pasurite e fshatareve, uvinin zjarrin fshatrave te tera, vrisnin ne mase burra, gra, pleq e femije. Teritori armik u shtri edhe ne qytetet e pushtuara . Ne Vlore, ne Durres, ne Shkoder, ne Korce, ne Tirane etj., mijra njerez te thjeshte u arstuan dhe u cuan ne kampet e vdekjes. Kurse ne Tirane me 4shkurt1944 gjermane te dhe vashkepuntoret e tyre vrane dhe masakruan 84veta brenda nje nate.
Me gjithe demet dhe humbjet qe i shkaktoj popullit dhe levizjes Nacionalclirimtare, operacioni i dimrit nuk i ariti objektivat per asgjesimin e Ushtris Nacionalclirimtare. Bremd shkurtit dhe marsit repartet dhe njesit partizane ne Shqiperine e Jugut e rimoren veten dhe madje ariten te mernin dhe nismen e luftimeve, duke kaluar nga mbrojta ne kundermesymje. Brenda nje kohe te shkurter ata spastruan gati te gjitha krahinat e shkelura nga gjermanet. Nerkohe, marshimi i nje pjese te Brigades se I ne Cermenik, ne Golloborde, ne Mat, ne Shengjin, ne Peze e ne Dumre e forcoi besimin e popullit dhe ndihmoi ne gjallerimin e Levizjes Nacionalclirimtare ne krahinat veriore te vendit. Ne kete menyre, populli dhe Ushtria e tij Nacionalclirimtare dolen nga kjo prove e veshtire me te forte e me te fuqishem, te riperterir ne te gjitha drejtimet. Gjate zhvillimit te operacionit te dimrit u krijuan Brigadat IV, V, VI dhe VII.

__________________
Thuaj ate qe mendon dhe mendo ate qe duhet.

Denonco këtë mesazh tek moderatorët | IP: e regjistruar

Regjistruar: 01/02/2003
Vendbanimi: Philadelphia usa
Mesazhe: 3202

Kongresi i Permetit dhe kalimi i Ushtris Nacionalclirimtare ne Kundermesymje per clirimin e Shqiperise se Mesme dhe te Veriut.

Ne pranvere te viti 1944 komanda gjermane vendosi te ndermerte nje mesymje tjeter te pergjithshme, me forca me te medha se ne mesymjen e dimrit. Qellimi i saj ishte asgjesimi i Ushtrise Nacionalclirimtare. Sipas planit ne mesymje do te mernin pjese forca nga kater divizjone, gjithsej 40 mije ushtare. Kurse rreth 10mije forca kolaboracioniste vendase, do te ktyenin kryesisht veprime ndihmese. Keshtu armiku kisht dy here me shume forca dhe nje epersi te pa krahasueshme ne mjete e teknike luftarake.
Pikerisht ne kete kohe, Kryesia e Keshillit te Pergjithshem Nacionalclirimtar vendosi te theriste Kongresin e I Antifashist Nacionalclirimtar. Kongresi zhvilloi punimet ne qytetin elire te Permetit nga data 24-28 maj, me pjesmarjen e delegateve nga i gjithe vendi. Kongresi mori nje numer vendimesh me rendesi. Ai zgjodhi Keshillin Antifashist Nacionalclirimtar (KANC), si organ me telarte legjislativ dhe ekzekutiv ne Shqiperi, si perfaqsuesin e sovranitetit te popullit e te shtetit Shqiptar. Keshilli Antifashist, nga ana e tij formoi Komitetin Antifashist Nacionalclirimtar me atributet e qeverise se perkoheshme. Kongresi i Permetit vendosi:
1. Te ndertohet Shqiperia e re demokratike popullore sipas vullnetit te popullit.
2. Ti ndalohet ishmbretit Zog kthimi ne Shqiperi.
3. Te mos njihet asnje qeveri tjeter qe mund te krijohet kunder vullnetit te popullit.
4. Te vazhdohet lufta kunder pushtuesit dhe bashkepunetoreve e tij deri ne shkaterimin e tyre dhe ne clirimin e plote te vendit.
Ne perputhje me orjentimet qe dha Kongresi, Keshilli Antifashist mori vendimin per njesimin e Komandes se Ushtrise Nacionalclirimtare. Keshili i Pergjithshem emeroi Enver Hoxhen si kryetar te Komitetit Antifashist dhe Komandant te Pergjthshem te Ushtris Nacionalclirimtare . Keshilli vendosi gjithashtu dhenjen e gradave ne ushtri, si dhe krijimin e formacioneve te medha te Ushtris Nacionalclirimtare, te divizjoneve e te korparmatave.


Mesymja armike e qershorit

Sapo perfundoj punimet Kongresi me 28 maj armiku filloj mesymjen e tij . Ne fazen e pare, qe vazhdoj deri ne 5 qershor, luftimet u luftimet u zhvilluan kryesisht ne zonen Korce-Elbasan-Permet. Kurse nga data 10 deri me 24 qershor luftimet u zhvilluan ne teritorin e zones se pare operative Vlore-Gjirokaster. Kudo armiku ndeshi ne qendresen e forcave artizane. Pas luftimesh te pergjakshme, mesymja e pergjithshme e pranveres, ashtu si dhe ajo e dimrit, deshtoi plotesisht. Vet komanda gjermane pranonte se nuk kishte mundur te arinte objektivat e saj.
Me 25-26 qershor1944 forcat e Divizjonit I sulmues kaluan Shkubinin dhe kaluan ne kundrmesymje te pergjithshme. Divizjoni kishte mare detyre te shkateronte trupat gjermane dhe kolaboracioniste, te clironte krahinat e Cermenikes e Zaranices, rrethin e Tiranes, Matin e Dibren, te rimekemte dhe te forconte pushtetin e keshillave nacionalclirimtare dhe te mobilizonte popullin e ketyre krahinave ne lufte.
Ne kete kohe forcat kryesore te hitlerjaneve ndodheshin ne jug, te angazhuara me operacionin qe ende nuk kishte mare fund. Armiku i zene ne befasi, nuk qe ne gjendje ti bente ball mesymjes. Qe diten e pare, forcat e divizjonit I S u futen ne zonat e Zaranikes, Cermenikes dhe te Librazhdit dhe vazhduan marshimin ne drejtim te Tiranes, Matit dhe Dibres.
Me 13korik forcat naziste dhe kolaboracioniste nisen nje mesymje ne shkalle te gjere nga pese drejtime kunder Divizjonit I ne zonen Mat-Diber. Forcat partizane, pas luftimesh te repta, dolen nga rrethimi dhe u hodhen ne kundermesymje. Me luftime te ashpra u arit te clirohej Peshkopia dhe te goditen rende forcat ushtarake te pushtuesit ne qytetin e Dibres.
Sukseset e Ushtrise Nacionalclirimtare i tronditen thelle armiqte. Ne keto rrethana ata vendosen te benin edhe nje prpjekeje tjeter per te asgjesuar forcat partizane, por pa sukses. Nisma e veprimeve kaloi shpejt ne duart e Divizjonit I, i cili u hodh ne kundermesymje. Me 2shtator u clirua Dibra. Me pas forcat partizane, duke ndjekur armikun ne Mat, Lure e Mirdite, hyjne ne Orosh. Me kalimin e forcave partizane ne Veri kishte nisur mesymja e pergjithshme e Ushtris Nacionalclirimtare per clirimin e plote te vendit.

Misjonet ne Shqiperi

Ne perputhje me mardhenjet e vendosura me Fuqit e Medha Aleate, qe kryesonin Koalicionin Antifashist, ne mesin e viti 1943 e me pas, ne Shqiperi erdhen misjonet e tyre ushtarake. Ato u vendosen prane Shtabit te Pergjithshem te Ushtrise Nacionalclirimtare dhe disa shtabeve partizane te qarqeve, zonave e grupeve. Misjone gjithashtu u vendoser edhe prane organizates se Ballit Kombetar dhe te Partise se Legalitetit. Qellimi i ardhjes se misjoneve ushtarake aleate ishte vendosja e lidhjeve te drejtperdrejta me Levizjen Nacionalclirimtare, njohja me gjendjen ne vend, me zhvillimin e luftimeve dhe me nevojat qe kishte per luften. Misjoni i pare ushtarak anglez, i kryesuar nga major B. Maklini, erdhi ne Shqiperi ne maj 1943. Ne tetor qeveria britanike dergoj gjeneralin E. Dejvis ne krye te misjonit ushtarak angles. Me vone nje misjon i sjon te tille ushtarak dergoi dhe qeveria amerikane. Kurse misjoni ushtarak sovjetik erdhi ne Shqiperi ne gusht te vitit 1944.
Misjonet e vendeve aleate i percillnin qendres te dhena per zhvillimin e luftimeve ne Shqiperi, per nevojat ne veshmbathje, ne ushqime, ne armatime qe kishin forcat partizane, duke kerkuar plotesimin e tyre. Ato, gjithashtu, u perpoqen te ndikonin mbi organizatat e Ballit Kombetar dhe Legalitetit, duke i keshilluar udheheqjet e tyre qe te angazhonin forcat ne lufte kunder ushtrive okupatore fashiste e naziste

__________________
Thuaj ate qe mendon dhe mendo ate qe duhet.

Denonco këtë mesazh tek moderatorët | IP: e regjistruar

Regjistruar: 16/11/2003
Vendbanimi: .
Mesazhe: 2752

Dihet versioni zyrtar i joni se si e pse e pushtuan gjermanet Shqiperine.....
Tani le te shohim versionin Gjerman sipas dokumenteve te Ministrisë së Jashtëme gjermane, pjese prej të cilave po botohen në këtë shkrim.
Shkirmi eshte i gazetarit Dashnor Kaloçi


PUSHTIMI GJERMAN I SHQIPERISE

Ministri nazist: Ja pse do pushtojmë Shqipërinë
Që në 7 gusht të vitit 1943, shërbimet sekrete gjermane kishin dijeni dhe njoftuan konsullin e tyre në Romë, se BalliKombëtar dhe partizanët e Enver Hoxhës do mblidheshin në Mukje
Përse trupat e ushtrisë gjermane të Hitlerit në shtatorin e vitit 1943 hynë në Shqipëri dhe cili ishte objektivi i tyre që e pushtuan vendin e vogël Ballkanik? Si u formua qeveria shqiptare nën ushtimin e nazistëve gjermanë, kush ishin njerzit që e përbënë atë dhe si u përballën ata me forcat eRajhut të Tretë? Përse Ministria e Jashtëme germane insistonte dhe ngulte këmbë që në krye të qeverisë shqiptare të vihej Mark Gjon Markaj dhe përse djali i kapidanit të Mirditës nuk e pranoi atë post? Përse Ministri i Jashtëm i Hitlerit, Ribentrop e quante të pakuptimtë sugjerimin e konsullit të tijë në Romë, i cili i thoshte se mund të hynin në kontakte forcat gjermane me ato të komunistëve të udhëhequr prej Enver Hoxhës? Mbi këto e plot ngjarje të tjera të asaj kohe që kanë të bëjnë me mardhëniet shqiptarogjermane, hidhet dritë nga dokumentet e Ministrisë së Jashtëme gjermane, pjese prej të cilave po botohen në këtë shkrim.

VIJON

__________________
il primitivismo e la non cultura sono forme eterne!! CHI CREO LE DONNE??!!DIO E STATO UN GENIO

Denonco këtë mesazh tek moderatorët | IP: e regjistruar

Regjistruar: 16/11/2003
Vendbanimi: .
Mesazhe: 2752

Ribbentrop: Shqipëria shtet i pavarur Në fundin e verës në gushtin e vitit 1943, kur trupat italiane nëShqipëri ishin në prag të kapitullimit, Ribbentrop, Ministri i Jashtëm i Gjermanis së Hitlerit i ndiqte me vëmëndje të madhe ato ngjarje. Lidhur me atë situatë në të cilën ndodhej Shqipëria asokohe dhe interesat e gjermanëve për të hyrë në Shqipëri, bënë fjalë dhe telegrami i mëposhtëm që ai ja dërgon konsullit të përgjithshëm në Romë në të cilin thuhet:" Ambasadës në Romë, shënim për sekrete shtetërore. Tepër rezervat. Urgjent.Personalisht për të ngarkuarin me punë. Ju lutemi që ta regulloni punën me qëllim që konsulli i Përgjithshëm Shlip, më datën 21gusht 1943 të sillet me aeroplan gjerman nga Tirana në Romë.Pas ardhjes së tij, ju lutemi që personalisht t` ia përcillni këtë porosi shumë sekrete:" Në lidhje me ngjarjet në Itali, për ne është me rëndësi të veçantë që të kemi një pasqyrë të situatës së tashme politike në Shqipëri. Do të ishte e mundëshme, që në Itali të ndodhnin ndryshime të mëtejshme të cilat do të kishin për pasojë largimin defenitiv të italianëve nga shqipëria. Për këtë rast, gjithashtu është e mundur që në lidhje me zbarkimin eventual të anglezëve dhe amerikanëve në Italinë e jugut, të detyrohemi pa marrë parasysh masat ushtarake, sa më shpejt të marrim vendimin politik lidhur me qëndrimin tonë të ardhshëm rreth Shqipërisë. Gjatë marrjes së këtij vendimi, për ne duhet të jetë e qartë ideja se në rast se mbrojmë ushtarakisht bregdetin shqiptar e veçanërsiht përballë rrugës së Kanalit të Otrantos, do ta qetësojmë politikisht Shqipërinë.
Kështu që sipas mundësive tona do të ua lehtësojmë trupave tona kryerjen e kësaj detyre mbrojtëse dhe nuk duhet përdorur fare apo duhen përdorur vetëm trupa të vogla gjermane, të cilat do të kene si detyrë kryesore ruajtjen e qetësisë dhe rendin në Shqipëri dhe rrugët nga do të kalojnë furnizimet për trupat tona që do të luftojnë në bregdet, të jenë plotësisht të sigurta. Unë kam parasysh idenë që ne në këtë situatë sa më shpejtë ta njohim Shqipërinë si shtet të pavarur, me ç` rast, natyrisht duhet pasur parasysh supozimin që ne të gjejmë njërëz të përshtatshëm që të ndikjonë, që të krijohet një qeveri e cila do të ishte e aftë për negociata dhe do të kishte qëndrim pozitiv ndaj nesh. Unë personalisht nuk e kam të qartë se ç` gjendje mbretëron tani atje dhe se kush do të mund ta merrte në dorë timonin për drejtimin e një qeverie, pas kapitullimit të italianëve. Raporti i juaj i datës 31 korrik 1943. në telegramin nga Roma, Nr. 3736. të datës 2 gusht, flet për atë se është formuar "Organizata për Çlirimin Nacional të Shqipërisë" ( Këshillit i Përgjithshëm Antifashist i Enver Hoxhës) dhe se ajo ka shpallur një proklamatë nga e cila mund të kuptohet se ajo organizatë i është bashkëngjitur aleancës anglo-sovjeto-amerikane. Ju pohoni se në Komitet janëudhëheqësit e bandave Abaz Kupi e Myslym Peza si dhe disakomunistë. Po kështu pohoni se është bërë e ditur se përprezencën e disa oficerëve anglezë në periferi të Tiranës. Në anën tjetër kam marrë një raport në bazë të të cilit, është në themelim e sipër një qeveri nacionale të cilës i prijnë Mark Gjon Markaj me Mithat Frashërin, Hasan Dostin, Abaz Kupin ( Bazi i Canës) e Faik Qukun. Pohoet se gati i tërë rajoni i Shqipërisë së Jugut, është në duart e shqiptarëve duke filluar nga kufiri malazes e deri në Gjirin e Vlorës, duke përjashtuar qytetet e mëdha si Tirana, Vlora, Durrësi e Shkodra".
Muharrem Bajraktari, antiitalian i tërbuar "Në këtë raport më pas thuhet se udhëheqësi i njohur bandit Muharrem Bajraktari, ka zhvilluar negociata me Drazha Mihajlloviçin, por se këto negociata kanë pësuar fiasko mu rreth problemit e çështjes së Kosovës. Thuhet se Bajraktari është kundërshtar i përbetuar i italianëve dhe se ka lidhje të ngushta me Komitetin Nacional të përmendur më lart. Ai gjoja i ka deklaruar një komisari se po ta përkrahin gjermanët, ai do të luftonte kundra anglezëve. Nëse kjo s` mud të ndodhë, atëhere ai nuk do të mund të ndërrmerte asnjë invazion kundra anglezve Ky raport dhe raportet tuaja të tjera janë dhe bien në kundërshtim me njëri-tjetrin, prandaj ju lutem që nga Roma, menjëherë të më dërtgoni një raport gjithëpërfshirës lidhur me situatën atje dhe që të deklaroheni rreth raportit të përmënedur për krijimin e qeveris nacionale. Sipas raportit tuaj, vënia e kontaktit tonë me "Organizatën për Çlirim Nacional të Shqipërisë", në të cilën ndodhen dhe komunistët, do të ishte e pakuptimtë. Nga ky shkak mbetet dilema se me qëllim të formimit dhe të njohjes së një qeverie nacionale shqiptare, në momentin e caktuar a do të ishte e mundur të krijonim lidhje sa më shpejt që të jetë e mundur me qeverinë e nacionale të përmendur më lart apo dhe me personalitete të tjera. Për ne, gjithashtu do të ishte me rëndësi që të dijmë se a do të kishit mundur Ju, që në këtë situatë, të krijonit një kontakt me ndonjë personalitët të popullarizuar atje personalitet ky që me përkrahjen tonë politike e ushtarake, do të mund ta merrte shtetin në duart e veta sa më parë që të jetë e mundur dhe që të vihej përballë të një qeverie të tillë nacionale.Ju lutemi që pas dërgimit të raportit tuaj, të rrini në Romë deri sa të merrni instruksionet e mëtjeme. Ju lutem që ky telegram, pasi të njihet me të konsulli Shlip, e gjithashtu edhe të konceptit të përgjigjies së konsullit të përgjithshëm, menjëherë të asgjesohen. Ribbentrop. Siç shihet dhe nga telegrami që Ministri i Jashtëm i Gjermanisë hitleriane Ribbentrop, i dërgon konsullit të tij në Romë, gjermanët ishin të interesuar për një ndryshim sa më të shpejtë të situatës politike në Itali, me qëllim që ushtria italiane që ishte dislokuar në Shqipëri, të tërhiqej sa më shpejt prej andej.Nga kjo gjë, gjermanët do të përfitonin për të zbarkuar menjëherë në bregdetin shqiptar, përpara se ajo gjë të bëhje nga forcat aleate anglo-amerikane. Siç del dhe nga telegrami i Ministrit Ribbentrop, qëllimi i zbarkimit të gjermanëve në Shqipëri, ishte dislokimi i tyre në bregdetin shqiptar dhe kryesisht në zonën përballë Kanalit të Otrantos, për t´ju mbrojtur krahët trupave të tyre që tërhiqeshin nga Greqia në Shqipëri e në drejtim të Jugosllavisë me destinacion Berlinin, nga ndonjë sulm i mundshëm i trupave aletate anglo-amerikane që po zbarkonin në Normandi. Po kështu nga sa shikohet në telegramin e mësipërm,Ministri i Jashtëm Gjerman Ribentrop, përpara se të bëhej zbarkimi i trupave gjermane të Shqipëri, kërkon të dijë dhe pret informata se kush është njeriu më i përshtatshëm që mund të marrë drejtimin e qeverisë shqiptare dhe t` ju shërbeje me besnikëri atyre.Gjermanet kishin dijeni për Mukjen Pas telegramit të mësipërm, po në datën 21 gusht 1943,Sekretari Shtetëror i gjermanisë i dërgon një telegram tjetër të shifruar konsullit gjerman në Romë, Zonlajtnerit Sonnlehithner) në të cilin shkruhet: Berlin 21 gusht 1943. Pol IV 1646. Referenti G.K. Fajne. Telegram prej trenit special për legatin fon Zonlajtner. Si plotësim i shënimit të datës 18 gusht të këtij muaji për rrethanat politike në Jugëlindje, po ju sqaroj si vijon:Shqipëria është e okupuar nga nga shtatë divizione italiane. Por ndryshe nga rajonet e tjera Ballkanike, që janë okupuar nga ushtria italiane, ato këtu në Shqipëri kënaqen duke siguruar vetëm vendbanimet e mëdha, ndërsa brendinë ua lënë në dorë kryengritëseve (partizanëve). Trafiku i komunikacionit në mes të vendeve të caktuara është i mundshëm vetëm përmes ngritjes së postoblloqeve të siguruara mirë dhe kryengritësit pothuaj kontrollojnë të gjithë Shqipërinë Jugore. Në Shqipëri kohë më parë është themeluar "Organizata për Çlirimin Nacional të Shqipërisë" (Fronti Nacional i udhëhequr nga Enver Hoxha)në të cilën si këshilltarë ndodhen oficerët anglezë. Në krye të saj ndodhet Këshilli i Përgjithshëm në të cilin përveç udhëheqsëve të ndryshmë të bandave ( partizanëve) bëjnë pjesë dhe ndodhen edhe komunistët. Në një proklamatë të kësaj Organizate thuhet se ajo lufton karshi besimit në aleancën anglo-sovjeto-amerikane, për Shqipërinë e pavarur dhe Demokratike. Kësaj organizate të re, para pak kohësh ju bashkangjit edhe partia e Ballit Kombëtrar (Fronti Nacional) e cila deri më tash ishte kundër komunistëve. Organizata për Çlirimin Nacional të Shqipërisë, sipas një raporti të konsullatës së Përgjithëshme në Tiranë, që mban datën 8 gusht 1943,parasheh mbajtjen e një Kongresi të të gjitha grupeve kryengritësve në Shqipëri ( është fjala për Konferencën e Mukjes) dhe formimin prej tyre të një kundërqeverie. Nuk ka infornmata lidhur me atë se sa do të mund të gjente mbështetje në popullin shqiptar formimi i kësaj organizate. Mirpo është e sigurtë se lëvizja është pasojë e pakënaqsisë së shqiptarëve me regjimin italian. Këtë fakt kanë mundur ta shfrytëzojnë anglezët dhe amerikanët, në pamundësi të kundërveprimit adekuat gjeërman. Përveç organizatave të përmendra më lart, është formuar dhe Shtabi i Përgjithshëm i Ushtrisë Nacional- Çlirimtare (i Enver Hoxhës), me qëllim që të udhëheqë në mënyrë unike luftën e banditëve (partizanëve). Ende nuk dihet asgjë rreth tendencave dhe forcës së trupave që qëndrojnë prapa këtij Shtabi Kryesor".Gjermanët:Gjon Markaj kryeministër"Këtu, gjithashtu nuk kemi informacione rreth formimit të një qeverie nacionale shqiptare, në krye të së cilës do të duhej të ishte Mark Gjon Markaj. Udhëheqësi i bandave shqiptare(nacionalistëve) Muharrem Bajraktari, për të cilin thuhet se ka hyrë në negociata me Drazha Mihajlloviçin, është i njohur me qëndrimin e tij antiitalian. Në anën tjetër ai gjithmonë ka pasur mardhënie të mira me serbët, kështu që negociatat e tija me Mihajlloviçin, nuk duken të pamundëshme. Meqë ardhja e forcave ajrore gjermane dhe lajmet për depërtimin e njësive të blinduara gjermane, patën efekt qetësues tek popullata shqiptare dhe meqënse urrejtja e tyre në plan të parë është e drejtuar nga Italia, duket se ka mundësi që të formohet një qeveri shqiptare e cila do të ishte e gatëshme të bashkpunojë me ne, po qe se ne e njohim Shqipërinë si Shtet të pavarur, në kufijtë e saj të sotëm.Propozimet lidhur me atë se cilat personalitete do të merren parasysh për të drejtuar qeverinë shqiptare, do të mund t` ua japë Konsullata e Përgjithëshme në Tiranë. Po kështu një shënim i hollësishëm për situatën në Shqipëri, përfundimisht deri më datën 18 gusht, do të dërgohet sot përmes korrierit" Nga sa shihet në telegramin e mësipërm që Sekretari i Shtetit gjerman i dërgon konsullit të tij fon Zonlajtner, është teper interesant fakti që Ministria e Jashtëme gjermane ka pasur dijeni dhe ka njoftuar konsullatën e saj në Romë, përpara se krerët e Ballit Kombëtar dhe ata të Partisë Komuniste të Enver Hoxhës, të mblidheshin në Konferencën e Mukjes, kur për atë konferencë si nga ana e Ballit Kombëtar ashtu dhe Partisë Komuniste, asokohe u mbajt një konspiracion i plotë nga fakti se në atë mbledhje do të merrnin pjesë krerët kryesorë të dy forcave politike dhe ai takim mbahej shumë afër qytetit të Tiranës vetëm pak km. në verilindje të tij dhe rreziku i goditjes së tyre nga forcat italiane ishte shumë evident.


VIJON

__________________
il primitivismo e la non cultura sono forme eterne!! CHI CREO LE DONNE??!!DIO E STATO UN GENIO

Denonco këtë mesazh tek moderatorët | IP: e regjistruar

Regjistruar: 16/11/2003
Vendbanimi: .
Mesazhe: 2752

Më 4 nëntor të vitit 1943, Qeveria shqiptare i kërkoi Berlinit që ari dhe deviza e Bankës Nacionale që ndodhej në Gjermani, të depozitohej në Zvicër në emër të shtetit shqiptar Pas futjes së trupave gjermane në Shqipëri në vjeshtën e parë të vitit 1943, një nga problemet më kryesore të Berlinit, ishte dhe gjetja e disa politikanëve të mundshëm që duhet të gëzonin autoritet dhe besim në popull, të cilët do të merrnin në dorë drejtimin e shtetit shqiptar.Lidhur me këtë gjë, bëhet fjalë në disa telegrame që i deleguari special gjerman për Juglindjen e Ballkanit Nojbaheri dhe më pas Konsulli i Përgjithshëm i Gjermanisë në Tiranë, Shajger e Shlipi, i dërgojnë Ministrisë së tyre të Jashtëme në lidhje me njerzit e mundshëm të cilët do të merrnin përsipër barrën e drejtimit të qeverisë shqiptare nën pushtimin gjerman. Kështu në telegramin e datës 25 tetor 1943 thuhet:" Konsullatës së Përgjithëshme në Tiranë. Telegram Nr.1701. Treni special. I deleguari special për Juglindjen, për Shajgerin: Ju lus që Ministria e Punëve të Jashtëme vazhdimisht të informohet rreth individëve shqiptarë, të cilët në kohën e rendit të ri, po marrin detyra të rëndësishëme publike.
Dërgoni shërbimet biografike të Mehdi bej Frashërit, Fuat bej Dibrës dhe të fytyrave eminiente të rendit të ri shqiptar, me qëllim që këto personalitete të popullarizohen këtu përmes shtypit.Ju lutemi që ta informoni Berlinin që a është ende në fuqi candidatura e Nuredin bej Vlorës, për Kryetar të Qeverisë dhe e antarëve të zgjedhur për qeveri".Nojbajeri. Pas këtij telegrami ku Nojbajeri i deleguari special për Juglindjen e Ballkanit, i kërkon konsullit të Përgjithshëm të Gjermanisë në Tiranë Shajgerit,që ai të informojë Berlinin mbi figurat kryesore të politikës që do të merrnin në dorë kryesimin e qeverisë shqiptare nën pushtim, ai po atë ditë i dërgon dhe një telegram tjetër, ku i shkruan:" Rajhsfyeri SS, në pajtim me Ministrinë e Punëve të Jashtëme të Rajhut, do të dërgojë një të deleguar të vetin në Legatën e të deleguarit special për Juglindjen në Tiranë dhe ky do të jetë komandanti i deritanishëm i Regjimentit të SS-it, ish shefi i Policisë në Vjenë, SS oberfyreri Fictum. Ai përmes të deleguarit special për Juglindjen, do t` i jepet në dorzim për qeverinë shqiptare si këshilltar për organizimin e policisë dhe të xhandarmërisë, pa marrjen e pushtetit komandues. Ju lus që të kujdeseni lidhur me atë që vetë qeveria shqiptare të japë inisiativën apo që të përshëndesë vënien në dispozicion të këshilltarit gjerman". Nojbajeri.Qeveritarët shqiptarë në fokusin e gjermanëve Më 4 nëntor të vitit 1943, Konsulli gjerman në Tiranë Shajger, së bashku me Shlipin që duhet të ketë qënë si ndihmës i tij, me anë të një telegrami të dërguar Ministrisë së Punëve të Jashtëme të Gjermanisë, i bëjnë të ditur duke i paraqitur asaj të gjitha të dhënat biografike dhe aktivitetit politik të katër antarëve të këshillit të Lartë të Regjencës shqiptare,Mehdi Frashërit, Fuad Dibrës, Lef Nosit dhe At Anton Harapit.Në atë telegram nga ana e konsullit gjerman Shajger, të katër antarët e Regjencës vlersohen për aktivitetin e tyre patriotik në dobi të çështjes shqiptare dhe tëdhënat e tyre jepen me superlativa dhe të denjë për të marrë detyrën që ju është ngarkuar nga Parlamenti shqiptar. Në telegramin në fjalë thuhet:" Ministrisë së Punëve të Jashtëme.Tiranë më 27 tetor 1943. Telegram i shifruar Nr.8 Tepër urgjent.Rreth telegramit Nr.77, të datës 25 tetor. Guvernanca shqiptare e përbërë nga katër antarë u paraqit sot pasdite në mbledhjen solemne të Kuvendit Popullor.Dy myslymanë dhe një ortodoks dhanë betimin zyrtar, ndërkaq katoliku, si murgu pret pëlqimin e kërkuar nga kuria".


VIJON

__________________
il primitivismo e la non cultura sono forme eterne!! CHI CREO LE DONNE??!!DIO E STATO UN GENIO

Denonco këtë mesazh tek moderatorët | IP: e regjistruar

Regjistruar: 16/11/2003
Vendbanimi: .
Mesazhe: 2752

Mehdi Frashëri
"Myslymani Mehdi Frashëri rrjedh nga një familje e pasur spahijsh e Epirit Verior. Ai është 72 vjeç dhe para vitit 1912-të, ka pasur pozitë të lartë në administratën turke. Gjatë viteve 1913-14-të, ishte antar i komisjonit ndërkombëtar për Shqipërinë. Që nga viti 1914-të ka udhëhequr dikastere të ndryshme dhe për një vit ka qenë dhe kryetar i qeverisë. Shumë herë ai ka përfaqsuar Shqipërinë në Lidhjen e Kombeve dhe atje ka luftuar për të drejtat e barabarta të Gjermanisë. Para okupimit italian të Shqipërisë, Mehdi Frashëri disa vjet ishte kryetar i Këshillit Shtetëror. Në vitet njëzetë, ndërmjet përfundimit të Luftës së Parë Botërore dhe të okupimit italian, ai u përpoq që të pajtonte kërkesat e atëhershme nacionale shqiptare me synimet italiane për dominimin politik e ekonomik në Shqipëri. Duke u besuar garancive italiane për ruajtjen e pavarsisë shqiptare, ai u angazhua për miqësi të ngushtë e të ndërsjelltë dhe raport reciprok me qëllim të përparimit të zhvillimit ekonomik dhe mëkëmbjes politike të shtetit shqiptar.Në prillin e vitit 1939, ai u shpreh haptazi kundër pushtimit italian dhe në emër të popullit shqiptar, i dërgoi opinionit ndërkombëtar një protestë të hapur nëpërmes radios, rreth hyrjes kundraligjore e të paraparë me marveshje të trupave italiane.Për këtë gjë, italianët e internuan në Romë. Ai arriti të kthehet në Tiranë, vetëm pas kapitullimit italian.Të gjitha përpjekjet e italianëve që ta bindnin për ta tërhequr protestën e tij dhe të ndryshonte qëndrimin negativ, mbetën të pasuksesëshme. Mehdi Frashëri ka përvojë të madhe politike dhe është njeri shumë i dijshëm. Ai gëzon respekt dhe ndikim të madh te të gjitha shtresat e popullatës shqiptare".
Fuat Dibra
"Fuat Dibra në moshën pesëdhjetvjeçare, rrjedh nga një familje e territorit të ri shqiptar. Kur serbët pushtuan atdheun e tij, ai emigroi në Stamboll dhe shpenëzoi pjesën më të madhe të pasurisë së tij, për përkrahjen e synimeve nacionale shqiptare. Që prej disa vjetësh ka mushkritë e sëmura dhe disa herë ka refuzuar që të zgjidhet kryetar i qeverisë shqiptare. Vazhdimisht ka marrë pjesë aktive në jetën nacionale të popullit shqiptar dhe pas aneksimit të Shqipërisë së re, ai u kthye në atdhe. Për shkak të sëmundjes që përmendëm më lart, ai kurrë nuk u mor aktivisht me politikë. NëStamboll udhëhoqi një shoqatë tregtare, pasi humbi pasurinë. Fuad Dibra gëzon respekt të madh në tërë vendin për shkak të së kaluarës së tij kombëtare. Përkundër sëmundjes së rëndë, vendosi që në këtë çast vendimtar për atdheun e tij, të sakrifikoj pesonalitetin e vet dhe të pranojë detyrën e lartë që i ofroi Kuvendi Popullor".
Lef Nosi
"Për shkaqe politike,kryetari i deritanishëm i Kuvendit popullor, shtatëdhjetvjeçari Lef Nosi, i takon familjes më të njohur ortodokse tregtare nga Elbasani dhe ai që në ditët e rinisë tij, ka punuar për idenë nacionale. Gjatë kohës së sundimit turk, ai themeloi në Elbasan shkollën e parë publike, të cilën xhonturqit ja mbyllën sërish pas disa vjetësh dhe vetë atë e dëbuan jashtë Shqipërisë. Në kabinetin e parë shqiptar gjatë viteve 1912-13-të, ai mbajti portofolin e Ministrit të Postave dhe më pas ishte Kryetar i Bashkisë së Elbasanit. Tash e njëzet vjet e më herët, ai është
tërhequr nga jeta publike dhe që prej atëhere merret me studimin e gjuhës dhe të historisë shqiptare. Lef Nosi gëzon autoritet të madh te të gjithë, për shkak se është atdhetar i flaktë dhe se ka karakter të shëndoshë. Nga qëllimet e ndërgjegjëshme nacionale, nuk hoqi dorë as gjatë pushtimit italian. Në përkrahjen dhe miqësinë gjermane ai sheh garancinë më të mirë për prosperitetin e Shqipërisë".
At Anton Harapi
"At Anton Harapi, është epror françeskan në Shkodër dhe ka kaluar moshën 50 vjeçare. I rritur në një fidanishte klerikë në Tirol të Austrisë, ai si shumë bashkëvendas të tij, flet shumë mirë gjermanishten dhe në hollësi njeh organet e shtypit gjerman në botën e jashtëme e gjithashtu dhe kulturën gjermane. Për shkak të përcaktimit të tij kombëtar dhe të karakterit të shëndoshë,ai çmohet shumë lartë, jo vetëm ndër katolikët e Shqipërisë Veriore, por edhe në të gjitha qarqet e tjera shqiptare.Ai është njeri i mënçur dhe serioz, vepron në mënyrë të shpejtë dhe të sigurtë evazhdimisht ka qëndruar jashtë politikës. Për shkak të veçorive dhe të karakteristikave të tij, ai duket shumë i përshtatshëm për funksionin që mori. Rreth formimit të qeverisë ende asgjë nuk dihet definitivisht.
Për Nuredin Vlorën , ende nuk mund të japim ndonjë konsideratë".

VIJON

__________________
il primitivismo e la non cultura sono forme eterne!! CHI CREO LE DONNE??!!DIO E STATO UN GENIO

Denonco këtë mesazh tek moderatorët | IP: e regjistruar

Regjistruar: 16/11/2003
Vendbanimi: .
Mesazhe: 2752

Fon Shajgeri. Shlipi.Shqiptarët kërkojnë arin Një nga dokumentet që paraqet më tepër interes, është telegrami i datës 4 nëntor të vitit 1943 kur Konsulli i Përgjithshëm në Tiranë Shlipi, i bën me dije Ministrisë së Jashtme gjermane, se qeveria shqiptare i kërkon Berlinit që ari dhe deviza tjetër e Bankës Nacionale shqiptare që dikur ndodheshin të depozituara në Romë,e më pas në Gjermani, të kthehen që andej e të depozitohen në bankat e Zvicrës në emër dhe konto të shtetit shqiptar. Po ashtu në atë telegram u kërkohet gjermanëve që ata të kthejnë në Shqipëri, klishetë (bocat) për shtypjen e kartmonedhave si dhe arkivin e Bankës Nacionale shqiptare ta kthejnë nga Roma në Shqipëri. Në atë telegram midis të tjerash thuhet:" Ministrisë së Punëve të Jashtëme. Telegram i shifruar Nr. 136. Lidhur me raportin e dytë, qeveria shqiptare më ka kumtuar se sa i përket huasë së lejuar për Vermahtin gjerman, në të ardhmen nuk do të mund të japë në dispozicion aso huashë.Ajo lut qeverinë e Rajhut që përfundimisht t` i rregullojë raportet financiare dhe ekonomike, nëse është e mundur para dhjetë nëntorit të këtij viti.Qeveria shqiptare thekson si arsye rrezikun nga inflancioni dhe shterimi i fondit monetar të Bankës Nacionale.Për hir të sigurisë së valutës shqiptare, ajo sugjeron që ari dhe mbulesa tjetër me deviza e Bankës nacionale, gjërat me vlerë dhe dokumentat, të cilët më herët ndodheshin në Romë, e që tash ndodhen në Berlin, të kthehen apo të deponohen në Zvicër në emër të dhe në konto të Shtetit shqiptar, pastaj qeveria lut që t` i kthehen klishetë për shtypjen e kartmonedhave, si dhe arkivi i bankës Nacionale të bartet nga Roma për në Shqipëri. Qeveria shqiptare më tej thekson se malli që po blihet nga pjestarët e Rajhut gjerman, ka shkaktuar rritjen e normave të çmimeve dhe mungesën e artikujve, prandaj ajo mendon rreth formimit të një byroje speciale e cila pjestarëve të Vermahtit, do t` u jepte triska për furnizimin me mall. Blerja e mallit do të duhej të ndërpritej, përderisa të mos rregullohen raportet me komandën e Vermahtit gjerman". Goditja e Asamblesë nga partizanët Në dokumentet e Ministrisë së Jashtëme gjermane, ndodhet dhe telegrami që njofton atë Ministri për goditjen me predha artilerie që partizanët shqiptarë(Brigadës së Dytë) sipas urdhërit të Shtabit të Përgjithshëm të Enver Hoxhës, i bënë ndërtesës ku po zhvillohej mbledhja e Asamblesë Kombëtare. Në atë telegram që majori Shajger me detyrën e Konsullit të Përgjithshëm në Shqipëri, i dërgon Ministrisë së Jashtëme dhe të dërguarit special për Juglindjen e Ballkanit, thuhet Telegram i shifruar Nr.6 Tiranë( Zyra e Shajgerit) më 18 tetor 1943. 1) Personalisht për zotëri Ministrin e Punëve të Jashtëme të Rajhut. 2) Për legatin Nojbajer. Sot në ora 10 ndërsa po mbahej seanca e dytë ,partizanët hapën zjarr me mortaja të rënda, mbi ndërtesën e Kuvendit Popullor,nga një largësi prej katër kilometrash. Katër goditje qëlluan pallatin dhe përafërsisht edhe katër të tjera, që ranë përreth, sjhkaktuan dëme të vogla materiale.Sulmi armiqsor, menjëherë është neutralizuar me artilerinë tonë kundërajrore. Të shtënat tona mbrojtëse nga kodrat në jugperëndim të Tiranës, në ora 11 e gjysëm, zgjasin ende".
Diplomati nazist: Hitleri e donte Shqipërinë
Nojenbaher: "Hitleri kishte simpati të madhe për këtë vend të vogël dhe romantik në fund të Evropës dhe ai mbeti shumë i kënaqur kur i raportova për krijimin e qeverisë"
Kur në fund të gushtit të vitit 1943, në banesën kryesore të Fyrerit Adolf Hitler, pranova detyrën si "Autorizues i Sekretariatit për Punët e Jashtëme të Juglindjes së Ballkanit", për Shqipërinë ende nuk kisha dëgjuar dhe nuk kisha dijeni të mjaftueshme për atë vend të vogël në Jug të Europës.
Asokohe aty mbretëronte ende Viktor Emanueli, kurse një mëkëmës i tij sundonte duke e ërfaqsuar atë vënd. Në detyrën time të shkurtër dhe lakonike shqiptare kishte diçka të jashtëzakonëshme. Ministri i Jashtëm i Gjermanisë Ribentropi më thirri në Beograd në telefon dhe më komunikoi që Fyreri dëshironte të më caktonte me detyrë në Shqipëri e cila do të ishte e pavarur sipas inisiativës së saj dhe lidhur me këtë, që të nesërmen duhej të shkoja në Komandën e 11-të të Divizionit gjerman që ishte dislokuar në Elbasan". Herman Nojenbaher, diplomati gjerman i dërguari personal i Hitlerit për Juglindjen e Ballkanit gjatë viteve 1943 1945, kujton misionin dhe aventurën e tij shqiptare në vendin e vogël në Jug të Ballkanit, të cilat i ka botuar në Gjermani disa vjet mbas mbarimit të Luftës së Dytë Botërore. Po si erdhi Nojenbaheri në Shqipëri, cila ishte detyra e tij, kush ishin politikanët shqiptarë me të cilët bashkpunoi ai dhe si i përshkruan ai karakteret e tyre?
Nisja për në Shqipëri.Pasi ishte ngarkuar me detyrën e të dërguarit special të Ministrisë së Jshtëme të Gjermanisë për Juglindjen e Ballkanit, Herman Nojbaherit ju komunikua nga ana e Ministrit të Jashtëm Ribentrop, se Hitleri kërkonte që ai të shkonte me detyrë në Shqipëri. Lidhur me këtë në kujtimet e tija Nojenbaher shkruan:" Tre javë përpara se të mbërrija në Shqipëri, kisha grumbulluar disa të dhëna sipërfaqsore lidhur me atë vend të vogël në Jug të Ballkanit dhe deri në atë kohë më ishte dhënë rasti për të njohur vetëm dy politikanë shqiptarë, të cilët menjëherë pas kapitullimit të Italisë, më kishin kërkuar lidhje mua në Beograd. Këta ishin Xhafer Deva i cili dikur në krahinën e Kosovës që administrohej nga serbër kishte pasur një rol politik dhe tjetri Vehbi Frashëri, djali i Kryetarit të mëvonshëm të Këshillit të Lartë të Regjencës shqiptare Mehdi bej Frashëri, një intelektual klasi që asokohe jetonte ende në një hotel në Romë së bashku me vajzën e tij Mehdien. Teksa mendoja këto, u nisa nga Beogradi me një aeroplan special ku më shoqëronte një referentë i cili e meqënse e njihte mirë gjuhën shqipe, do të më vazhdonte të më shoqëronte edhe nëpër Shqipëri. Ishte mbrëmje vonë kur konstatova se në qytetin e Elbasanit ku duhet të mbërrija, nuk kishte fare aerodrom për tu ulur me avion. Më dukej tepër vonë që të angazhoja ekspeditën automobilistike për atë problem dhe vendosa por pa njoftuar Qëndrën kryesore që të zbrisja direkt me avion në qytetin e Tiranës, e cila gjendej akoma nën duart e trupave italiane. Kështu para nisjes sime, një skuadrilje avionësh gjuajtës fluturuan para nesh si pararojë, sepse armiku kishte pozicione shumë afër detit Adriatik.Drejtëprsëdrejti përpara aeroplanit tim "Henikel 111" fluturuan tre aeroplanë "Ju 52" me 60 ushtarë të Divizionit "Branderburg" (nga sektori ABËER II) si përfaqsues të përkohshëm të fuqisë ushtarake gjermane në aeroportin e Tiranës.Pas fluturimit të këndshëm mbi malet madhështore ku shkëmbijtë e thepisur shkëlqenin nga rrezet e diellit, pamë menjëherë Tiranën me pozitën dhe pejsazhet e bukura, me minaret e saja dhe luginat e gjelbërta bri malit të Dajtit. Nga që nuk e njihja mirë vendin, urdhërova që aeroplani të sillej para ndërtesës kryesore të atij aeroporti të vogël ushtarak e civil, prej të cilit dilnin si nga një çerdhe e ngushtuar ushtarët dhe oficerët italianë", kujton Nojenbaheri mbërritjen e tij me aeroplanin ushtarak në aeroportin e vogël të Tiranës.


VIJON

__________________
il primitivismo e la non cultura sono forme eterne!! CHI CREO LE DONNE??!!DIO E STATO UN GENIO

Denonco këtë mesazh tek moderatorët | IP: e regjistruar

Regjistruar: 19/12/2002
Vendbanimi: Venezia
Mesazhe: 569

Keni!
Nuk i di ku i merr keto burime historike por perpiqu ti gjesh ca me te besueshme!

Ti ke shkruar diku per Operacionin e Dimrit:
Me operacione te posacme armiku mundi te pushtoj qytetet Pogradec, Berat, Peshkopi, Diber e Madhe, Gjirokaster etj., te cilet qen cliruar pas kapitullimit te italis fashiste.

Nuk eshte e mendur qe keto qytete te jene mbajtur per muaj te tere nga Partizanet. Duke qene se Gjermanet kane hyre ne Shqiperi nga Greqia, Pogradeci, Berati, Gjirokastra qe ndodhen ne rrugen e vetme per Tirane natyrisht qe kane qene nen kontrollin gjerman.

Ndoshta dikujt mund ti duken vogelsira por 5 qytete "te cliruara" qe ne fakt nuk kane qene te tille tregojne se burimet nga jane marre keto materiale jane shume absurde pak te besueshme.

__________________
Mendjet e mëdha diskutojnë ide, mesataret ngjarje, te voglat njerëz...

Denonco këtë mesazh tek moderatorët | IP: e regjistruar

Regjistruar: 16/11/2003
Vendbanimi: .
Mesazhe: 2752

Keqardhja për italianët

Me të mbërritur në atë vend që për Nojenbaherin ishte pothuaj i panjohur, atë e përshkroi një ndjenjë frike dhe pasigurie, gjë e cila vinte dhe nga momentet e vështira që po kalonte ushtria italiane, gjë e cila kishte tensionuar situatën dhe po i sillte asaj kapitullimin e pashmangshëm. Lidhur me këtë Nojenbaher shkruan:" Në një gjëndje frike dola nga makina dhe uniforma ime e zezë diplomatike e stërhekurosur, shkaktoi habi tek personeli ushtarak që ishte aty.Në pyetjen time, më treguan një bankë që ndodhej në anën e majtë të zgjatur fund të aeroportit, ku gjendej personeli gjerman që shërbente aty. Për të na pritur, erdhi vetë me automobilin e tij konsulli gjerman Shlip. Teksa ecnim me makinë nëpër rrugët e Tiranës, shikonim që shtyheshin me mijra ushtarë italianë të armatosur të mbledhur në grupe grupe që dukeshin të friksuar. Ata rrinin si të humbur në atë vend që ju ngjallte frikë dhe që aletatëve tanë të dikurshëm tu bëje rezistencë kjo nuk kishte kuptim.Ata, italianët ishin të zënë rob, prandaj gjermanëve ju duhej të marshonin aty për të luftuar.Ndonëse automobili jonë respektohej me një farë rregulli me përshëndetje ushtarake,e cila vinte dhe nga shenjat e arit që mbaja unë në trup, për ata ushtarë italianë kam ndjerë gjithnjë një keqardhje të thellë në vlugun e atyre ngjarjeve ku ishin përfshirë. Dalngadalë me automobilin tonë mbërritëm në kosullatën gjermane. Por sa mbërrita aty, urdhërova që Xhafer Devës t` i vihej në dispocicion një "Rosë" për ardhjen e tij nga Kosova në Shqipëri, sepse koha e tijtashmë kishte ardhur", kujton Nojenbaher mbërritjen e tij në kryeqytetit shqiptar dhe në konsullatën gjermane ku akoma gjendeshin trupat pushtuese italiane.

Njohja me situatën në Shqipëri.

Porsa i dërguari special i Hitlerit mbërriti në konsullatën gjermane në Tiranë i shoqëruar nga konsulli Shlip, sipas instruksioneve të marra më parë, ai kërkoi që të njihej me situatën gjë të cilën ja kërkonte Qendra, pasi trupat ushtarake gjermane të cilat do të marshonin me autokollona të gjata drejt Berlinit, ishin gati për të hyrë në Shqipëri nga kufiri i saj Jugor me Greqinë. Lidhur me ktë Nojenbaher shkruan:" Në konsullatën tonë në Tiranë bisedova me zotin Shlip dhe Shajgerin të cilët ishin aty si ekspertë të Shqipërisë dhe njohës të mirë të gjuhës së atij vendi, për të cilët Qëndra më kishte instruktuar që të bashkpunoja për të njohur gjendjen në Shqipëri. Shajger, ish oficer austro-hungarez dhe gjeneral-shtabi, kishte kaluar pas Luftës së Parë Botërore më se 20 vjet në Shqipëri. Ai ishte bërë një leksiograf i vërtetë në lidhje me njohjen e atij vëndi që i njihte në mënyrë të shkëlqyer që nga fiset, familjet, zakonet dhe deri tek persona të veçantë që paraqisnin interes për ne. Në atë kohë situata nuk ishte dhe aq e nderë, ndonëse Shqipëria Jugore ishte pjesërisht në duart e partizanëve komunistë, kundër të cilëve italianët kishin luftuar tepër pasukses. Nisur nga këtë shkaqe, qysh përpara ndërrimit të ushtrive aleate, një Divizion gjerman ishte vendosur në Elbasan. Forcat partizane, ishin kundërshtarët e pashmnagshëm të trupave tona gjermane, ndërsa e kundërta ndodhte me forcat nacionaliste të Ballit Kombëtar të cilët kishin dalë malit për të luftuar italianët. Ato forca nuk përbënin ndonjë rrezik të madh për ne, që sipas ligjit NR.1, ata si në Greqi dhe Jugosllavi, armiq kryesorë kishin komunistët. Shqiptarët e dinin fare mirë se qëllimi i marshimit të trupave tona drejt Shqipërisë, kishte shkaqe të forta ushtarake, në mënyrë që ne të mbroheshim nga sulmet ansore që na vinin nga kërcënimet e aleatëve anglo-amerikanë nga ana tjetër e kanalit të Otrantos. Deri në atë kohë nuk më kujtohet fare asnjë aktë armiqsor i popullsisë kundër forcave të armatosura gjermane. Çështë e vërteta, shqiptari ndënë lëkurë mbante një rezervë ndaj gjermanëve për shkak të qëndrimit tonë tolerant ndaj italianëve në agresionin e tyre ndaj Shqipërisë më 7 prill të 1939-ës. Megjithkëtë, metodat e suksesëshme të austro-hungarezëve gjatë luftës së parë botërore, ende ishin në kujtesë të mirë të popullit, gjë e cila kishte ndikuar që forcat gjermane të priteshin deri në një fare shkalle mirë. Nga Balli Kombëtar, ne pothuaj nuk kishim probleme, ata kishin ndërrmarë vërsulje të gjithanëshme kundër forcave partizane në Jug. Vetëm Abaz Kupi i cili mbahej si mëkëmbësi i Mbretit Zog në Shqipëri dhe për këtë qëllim kishte qëndruar aty ku, kishte afro njëmijë përkrahës së tij që luftonin në malet mes Tiranës dhe Shkodrës. Tek Kupi gjindeshin gjithashtu dhe një numër oficerësh anglezë që kishin ardhur me mision për të ndihmuar luftën e nacionalistëve kundër forcave italiane. Ne përpiqeshim ta linim të qetë Kupin, por dhe ai nuk na ngacmonte fare", kujton diplomati gjerman situatën politike në të cilën ndodhej asokohe Shqipëria.

VIJON

__________________
il primitivismo e la non cultura sono forme eterne!! CHI CREO LE DONNE??!!DIO E STATO UN GENIO

Denonco këtë mesazh tek moderatorët | IP: e regjistruar