Regjistruar: 10/01/2003
Vendbanimi: .
Mesazhe: 5233

Te gjithe kur kthehemi ne shqiperi na merr malli per prodhimet e vendit, per domatet zemer kau, per rrushin e vendit, per ullinjte e borshit, per peshkun e sapozene, apo produktet e detit, per mollet apo qepet e korces..... dhe na habit fakti qe sa vine e po zevendesohen me prodhime greke...
shume njerez pyesin veten po mire ne kemi gjithe ate bregdet, agrumet tona jane aq te shijshme, pse duhet te hame vetem te grekut???

shpjegimi i njerezve normale ka qene qe te gjitheve ju leverdis me shume ti blene gati sesa ti mbjellin vete.....

e keshtu ndersa produktet e vendit zevendesohen me ato te huaja shpesh here prodhime speciale vetem per shqiperine, ku edhe mund te shiten mbeturinat e magazinave te botes njerezit pyesin veten po mire ajo qeveri cfare ben???

cfare ben qeveria..... i bie gjoksit si tarzani sa e afte eshte ne nenshkrimin e marreveshjeve nderkombetare, por cfare permbajne ne te vertete ato marreveshje te cilat nuk shpjegohen, nuk tregohen, ne nenshkrimin e te cilave, qeveritaret jane mesuar te vene firmen e tyre, duke e zhytur vendin en varferi te tejskajshme dhe duke i varur zhargonj gjithnje e me te rende, cmimin e te cileve e paguajne njerezit e thjeshte....

cfare ka dale ne pah ditet e fundit.
Kryetari i Komisionit evropian Salzzman ankohet se shteti shqiptar nuk po zbaton marreveshjen e qe ka nenshkruar me Organizaten boterore te tregtise dhe me BAshkimin Evropian qe deri ne vitin 2004.

Cfare permban kjo marreveshje???

“Dogana për vajin, peshkun dhe birrën sipas marrëveshjes që vendi ynë ka me OBT në vitin 2004 duhet që të reduktohet drejt zeros, ndersa ajo e birres ne 10 %”

nderkohe cdo te thote kjo per shqiperine:

zhveshja e taksave doganore per produktet e ushqimit dhe bujqesise, do të sjellë rënimin e agrobiznesit shqiptar falimentim i biznesit vendas

Biznesmenet shqiptare po bejne apel per rinegocimin e afateve për heqjen e taksës doganore për vajin e rafinuar, peshkun, molusqet dhe birrën.
Sipas tyre, afatet e parashikuara në marrëveshjen e nënshkruar me Organizatën Botërore të Tregtisë për heqjen e tarifave doganore kanë qenë të pastudiuara. Situata ka ndryshuar, biznesi është në kushte të reja ku zbatimi i marrëveshjes me OBT-në po falimenton prodhimin vendas, veçanërisht agrobiznesin.

Dogana për vajin, peshkun dhe birrën sipas marrëveshjes që vendi ynë ka me OBT në vitin 2004 duhet që të reduktohet drejt zeros, ndërkohë që biznesi vendas është akoma i brishtë për të përballuar këtë reduktimin taksash.

per qeveritaret e interesuar per kombin “më i rëndësishëm është procesi i integrimit, kështu që reduktimi i taksave do të realizohet, por mund të aplikohet vetëm një ruajtje pjesore për disa produkte”.

Nese paketa e tanishme fiskale e propozuar nga qeveria ne te cilen kerkohen te realizohen keto kushte te vena nga organizatat boterore, do te miratohet ne kuvend, buxheti do të humbasë 10 milionë euro për vitin 2004.

konkretisht kjo do te thote qe rreth 80 minifabrika birre që janë në të gjithë vendin do të shkojnë drejt procesit të falimentimit, pakësim i të ardhurave të buxhetit , pakësim i vendeve të punës, frenim i tendencave për eksport që sapo kanë filluar, frenim i investimeve në këtë sektor.

domethene qe do vazhdojme te blejme mallra greke e italiane, ndersa produktet shqiptare do te shkojne drejt zhdukjes....

__________________
It takes just as much courage to express your love when it's right, as it does to walk away when it's wrong.

Denonco këtë mesazh tek moderatorët | IP: e regjistruar

Regjistruar: 10/01/2003
Vendbanimi: .
Mesazhe: 5233

Marrëveshja koncesionare mes qeverisë shqiptare dhe firmës italiane “La Petrolifera Italo-Rumena” për ndërtimin dhe depozitimin e naftës dhe nënprodukteve të saj në gjirin e Vlorës s'ka asnje fitim per shtetin.

Disa nga pikat e marrëveshjes së qeverisë me shoqërinë “La Petrofiera Italo Rumena”


1. Objekti i koncesionit është ndërtimi dhe shfrytëzimi i terminalit bregdetar për depozitimin e naftës dhe nënproduketeve të saj
2. Afati i koncesionit parashikohet të jetë 30 vjet me të drejtë ripërtëritje
3. Investimi do të jetë 30 milionë euro
4. Firmës i jepet e drejta e operatorit të vetëm në këtë zonë për një periudhë 30 -vjeçare, duke përjashtuar vetëm AMBO-n dhe ARMO-n.
5. Sipërfaqja prej 183.000m2 ku do të ndërtohet terminali do t’i kalojë në pronësi koncesionarit me një çmim simbolik 1 euro
6. Firma koncesionare përjashtohet nga të gjitha taksat dhe detyrimet doganore për importimin e lëndëve të para, pajisjeve, instrumentave të tjera që i shërbejnë vetëm ndërtimit dhe vënies në funksion të veprës si dhe përjashtimi nga tarifat e pronësisë intelektuale dhe inxhinierike për periudhën 24 -mujore të ndërtimit të terminalit


Cfare i ofrojne palet njera tjetres
Qeveria shqiptare jep falas 183.000 m2 tokë, ekskluzivitetin e operimit në tregun e karburanteve dhe pas 30 vjetësh merr në këmbim të tyre strukturat portuale. I gjithë investimi i firmës së huaj për depozitat dhe strukturat portuale do të jetë rreth 30 milionë euro kështu që ajo që do të marrë shteti do të jetë një pjesë e investimit (rreth 12 milionë euro) i përdoruar dhe amortizuar gjatë 30 vjetëve shfrytëzim.
“Petrolifera” do të investojë rreth 30 milionë euro nga të cilat pjesa kryesore do të vazhdojë të mbetet pronë e saj pas 30 vjetësh. Pjesa që do i dorëzohet shtetit shqiptar pas këtij afati besoj se do të jetë shlyer si investim me anë të qirave dhe shërbimeve që do u ofrojë të tretëve në strukturat portuale. Që në këtë moment vlera e investimit të saj është rritur së paku me vlerën e tokës, e cila bëhet pronë e firmës.

Veç kësaj, “Petrolifera” do të ketë mundësi që të kontrollojë 50-60% të tregut të karburanteve dhe sidomos konsumatorin kryesor në atë zonë, TEC-in me naftë që do të ndërtohet dhe do të fillojë të shfrytëzohet pothuaj në të njëjtën kohë kur të mbarojnë investimet e “Petroliferës”. Në këtë mënyrë, “Petrolifera” jo vetëm do të kontrollojë tregun e karburanteve, por do të ndikojë edhe në nivelin e çmimeve. Kur të fillojë të funksionojë TEC-i i Vlorës, naftën do të detyrohet ta blejë me atë çmim që do t’ia imponojë “Petrolifera” pasi nuk ka zgjidhje tjetër. AMBO vështirë se do të ndërtojë në këtë zonë para se të ndërtohet naftësjellësi Burgas-Vlorë, kurse ARMO është si shpirtrat e vdekur dhe nuk ka as mundësi dhe as dëshirë që të futet në hiset e të mëdhenjve.

Pasojat

Tregu i karburanteve do të kontrollohet në më shumë se gjysmën e tij nga një firmë e vetme (ajo italiane) dhe konsumatori kryesor në atë zonë do të furnizohet nga e njëjta firmë" Petrolifera". Firma në fjalë do të eliminojë konkurrencën në një nga artikujt bazë siç janë lëndët djegëse. Ajo do të ketë pozicion monopol në treg duke siguruar fitime shumë të mëdha. Ekonomia dhe sektori privat do të humbasin pasi në këtë zonë me shumë perspektivë zhvillimi industrial do të vendoset monopoli.

Infrastruktura portuale do të ndërtohet sepse i shërben depozitave të karburanteve, pra nuk është bamirësi për shtetin shqiptar, por është pjesë e investimit që do të bëjë firma për interesat e saj. Toka përbën zemërgjerësinë e qeverisë ashtu sikurse është zemërgjerësi edhe koncesioni i falur apo e drejta për të kontrolluar tregun e karburanteve, furnizimin e TEC-it të Vlorës dhe në të ardhmen jo të largët edhe TEC-in e Fierit, i cili mund të rikonstruktohet me fonde buxhetore.

LLOJET E KONCESIONEVE

koncesioni BOO
Një prej marrëveshjeve të koncesionit të miratuara nga Këshilli i Ministrave me firmën italiane “La Petrolifera Rumena” është e formës BOO, formë e parashikuar në nenin 4 të ligjit “Për koncesionin”. Forma “BOO” e koncesionit do të thotë Ndërtim-Pronësi-Shfrytëzim. Kjo formë është përdorur për marrëveshjen e koncesionit me firmën italiane për ndërtimin dhe shfrytëzimin e terminalit bregdetar, për depozitimin e naftës dhe nënprodukteve të saj në gjirin e Vlorës. Pra firmës italiane i jepet e drejta e pronësisë mbi 183.000 metra katrorë kundrejt çmimit simbolik 1 euro si dhe e drejta e ndërtimit dhe shfrytëzimit të terminalit bregdetar për 30 vjet. Pas 30 vjetësh në bazë të marrëveshjes, kjo firmë është pronare e kësaj sipërfaqe ku është ndërtuar terminali për depozitimin naftës dhe nënprodukteve të saj.

koncesioni BOT
Ndërkaq marrëveshja tjetër e koncesionit mes qeverisë dhe firmës italiane për ndërtimin dhe shfrytëzimin e infrastrukturës portuale është e formës BOT. Kjo formë koncesioni do të thotë Ndërtim-Shfrytëzim-Transferim. Pra infrastruktura portuale do të ndërtohet nga firma e huaj do të shfrytëzohet nga jo për 30 vjet dhe më tej do t’i kalojë në pronësi shtetit shqiptar.


LE TE SHPRESOJME QE KUVENDI DO TA HEDHE POSHTE KETE MARREVESHJE

__________________
It takes just as much courage to express your love when it's right, as it does to walk away when it's wrong.

Denonco këtë mesazh tek moderatorët | IP: e regjistruar

Regjistruar: 10/01/2003
Vendbanimi: .
Mesazhe: 5233

PS miraton në heshtje marrëveshjen me “Petroliferën” dt 4 maj.

Grupi parlamentar socialist ka vendosur dje, të miratojë marrëveshjen për dhënien me koncesion të 183 000 metra katrorë në gjirin e Vlorës, firmës italiane “La Petrofiera Italo-Rumena” për ndërtimin e një terminali për depozitimin e karburanteve. Megjithëse kjo marrëveshje ka ngjallur debate të ashpra në komisionet parlamentare, në mbledhjen e djeshme të grupit socialist ajo ka kaluar shumë qetë dhe madje është vlerësuar nga deputetë të veçantë të Vlorës si një investim i madh për këtë qytet. Kështu mësohet të jetë shprehur deputeti Mezan Malaj. Edhe pse zyrtarisht, e drejta e monopolit, i takon vetëm operatorëve strategjikë që ende janë pa u privatizuar, qeveria shqiptare duket se do t’ja bëjë këtë “nder” firmës italiane “La Petrofiera Italo-Rumena”, në nënshkrimin e kësaj marrëveshjeje. Me disa ndryshime të bëra nga qeveria, kjo projektmarrëveshje që pritet të miratohet në Kuvend, i krijon mundësinë firmës italiane të jetë monopoli më i fuqishëm i karburanteve në të gjithë zonën e Vlorës, dhe të kontrollojë 40% të tregut, për shkak të investimit prej 30 milionë dollarësh që ajo do të kryejë aty. Nga ana tjetër një dhuratë që i bën qeveria “Petroliferës” meqë ajo do t’i lërë pas 30 vjtësh Shqipërisë një port të amortizuar, është edhe sipërfaqja e tokës prej 18,3 ha që shitet vetëm 1 euro. Marrëveshja i lejon kompanisë italiane të drejtën e mospagimit të asnjë takse tatimore dhe doganore, nën pretendimin se investimi që ajo do të kryejë është i konsiderueshëm dhe aq më tepër që realizohet në një zonë të ndotur dhe të nxjerrë jashtë përdorimit nga kimikatet e Uzinës së Sodës Kaustike. Në pikat e marrëveshjes thuhet se afati i koncesionit parashikohet të jetë 30 vjet me të drejtë ripërtëritje, investimi do të jetë 30 milionë euro. Ndërkohë firmës i jepet e drejta e operatorit të vetëm në këtë zonë për një periudhë 30 -vjeçare, duke përjashtuar vetëm AMBO-n dhe ARMO-n dhe sipërfaqja prej 183.000 m2 ku do të ndërtohet terminali do t’i kalojë në pronësi koncesionarit me një çmim simbolik 1 euro.

__________________
It takes just as much courage to express your love when it's right, as it does to walk away when it's wrong.

Denonco këtë mesazh tek moderatorët | IP: e regjistruar

Regjistruar: 10/01/2003
Vendbanimi: .
Mesazhe: 5233

Komisioni parlamentar i Industrisë miratoi dje projektligjin që u jep italianëve monopolin e depozitave të karburanteve në gjirin e Vlorës. Përgjithësisht anëtarët e këtij komisioni ishin të pasqaruar për detajet e marrëveshjes, pasi vazhdimisht kërkuan nga përfaqësuesit e Ministrisë së Energjitikës dhe nga ata të “Petroliferës” informacione që përmendeshin qartë në raportin e marrëveshjes, të tilla si çmimi i tokës, etj. Gjithsesi, disa nga anëtarët e komisionit nuk ishin shumë entuziastë rreth kushteve të formës BOO të koncesionit, si rreth shitjes prej 1 euro të 18.3 hektarëve. Pyetjes së deputetëve, nëse ka pasur kompani të tjera të interesuara për këtë koncesion, përfaqësuesit e Ministrisë së Energjitikës u janë përgjigjur duke thënë se askush tjetër nuk është ofruar. Ata këmbëngulën se ky koncesion ka qenë i pakërkuar nga firma të tjera, pra ka qenë shteti ai që i ka kërkuar firmës italiane të investojë në atë zonë. Në këtë pikë, kryetari i komisionit Eduard Alushi i pyeti përfaqësuesit e ministrisë nëse ishte e vërtetë që disa biznesmenë shqiptarë kishin marrë leje për të ndërtuar në atë zonë depozita karburanti, duke sjellë si shembull rastin e sipërmarrësit Sulo Shehu. “Terminali italian nuk është i mbivendosur mbi këto prona; italianët e kanë zonën të përcaktuar aty pranë, kurse firmat e tjera mund të vazhdojnë punën e tyre”, -tha Zamir Stefani, drejtor i Drejtorisë Juridike të Ministrisë së Energjitikës. Por nuk ka qenë i një mendjeje juristi i “Petroliferës”, Krenar Loloçi. “Kjo nuk mund të ndodhë, pasi firma ka ekskluzivitet lokal prej 10 kilometra katrorë në të gjithë gjirin e Vlorës”, -deklaroi juristi për “Shekullin”. Në fakt, ndryshe nga ç’ka deklaruar Ministria e Energjitikës, janë të paktën katër sipërmarrës shqiptarë që kanë shprehur interes dhe kanë ndërmarrë hapat e nevojshme për të ndërtuar depozita karburanti në zonën e ish –Uzinës së Sodës-PCV. Këtu mund të përmendim firmat “Albagaz”, “Duagaz”, “Mega 2000”, si dhe firma “Elio” sh.p.k me pronar Sulo Shehun, i cili ka deklaruar një investim prej 5 milionë dollarësh në një sipërfaqe prej 4 hektarë brenda zonës së diskutuar. Një pikë tjetër e debatit ka qenë përcaktimi në projektligj i përjashtimit të “Petroliferës” nga tatimet dhe taksat për importimin e lëndëve të para që do të shërbenin për ngritjen e terminalit. Deputeti demokrat Muhamet Ukperaj tha se ky përjashtim diskriminonte biznesmenët vendas, “pasi materiale të përdorimit të zakonshëm, të tilla si çimento dhe hekur, nuk do të sigurohen brenda vendit, por falë përjashtimit nga detyrimet doganore, italianët do t’i importonin këto mallra”. Por edhe pas diskutimeve ndërmjet deputetëve dhe përfaqësuesve të Ministrisë së Energjitikës dhe atyre të “Petroliferës”, komisioni e miratoi projektligjin.

__________________
It takes just as much courage to express your love when it's right, as it does to walk away when it's wrong.

Denonco këtë mesazh tek moderatorët | IP: e regjistruar

Regjistruar: 10/01/2003
Vendbanimi: .
Mesazhe: 5233

Komisioni i Mjedisit, dritë jeshile për “La Petrolifera Italo Rumena”


Komisioni parlamentar i Shëndetësisë, Mbrojtjes dhe Ambientit miratoi gjatë punimeve të ditës së djeshme projektin italian për ndërtimin e depozitave të karburanteve në gjirin e Vlorës. Nën drejtimin e deputetit demokrat Ferit Hoti, anëtarët e këtij komisioni janë njohur me projektin e “La Petrolifera Italo Rumena”, e cila është përfaqësuar nga juristi i saj shqiptar Krenar Loloçi. Punimet dhe diskutimet e djeshme janë përqendruar në njohjen e projektit nga deputetët e këtij komisioni, pasi këta të fundit nuk kishin shumë dijeni për këtë projekt, edhe pse zona ku do të ndërtohen depozitat ka qenë shumë e diskutuar për probleme që lidheshin me mjedisin. Vota “pro” e komisionit duket se ka ardhur nga propozimi i italianëve për pastrimin e zonës së ndërtimit, e cila është e ndotur me mërkur, zhivë dhe kimikate të tjera gjatë funksionimit të Uzinës së Sodë-PVC-së. Deputetët nuk janë interesuar shumë në detajet e tjera të koncesionit, të tilla si çmimi i shitjes së tokës, kushtet e marrëveshjes koncesionare, etj. por e kanë miratuar projektin duke u kufizuar në faktin se shoqëria italiane do të bëjë inkapsulimin e zonës së ndotur dhe pastrimin e saj. Sipërfaqja prej 183 mijë metra katrorë ku italianët kanë projektuar depozitat, është cilësuar si e ndotur nga mbetjet e uzinës së PVC-së. Kjo uzinë ka pushuar së punuari në fillim të viteve ‘90 dhe specialistët e mjedisit kanë deklaruar së fundmi se sipërfaqja ujore ka filluar të pastrohet. Megjithatë ekzistojnë mendime se aktualisht edhe ndotja e tokës nuk është në ato nivele që pretendohet nga qeveria, dhe që ndikon edhe në çmimin e tokës, i përcaktuar në rreth 23 euro për metër katror.

Pikat kryesore të marrëveshjes:
Koncesioni synon ekskluzivitetin e depozitimit dhe transportit të naftës në zonë për 30 vjet
Bëjnë përjashtim nga ky rregull vetëm AMBO dhe ARMO
Pas miratimit, 183 mijë metra katrorë kalojnë në pronësinë e firmës
Çmimi i blerjes së tokës është vendosur simbolikisht të jetë 1 euro
Afati i koncesionit do të jetë 30 vjet me të drejtë ripërtëritjeje
Pas 30 vjet përdorimi, (vetëm) strukturat portuale i kalojnë shtetit shqiptar
Vlera totale e investimit është 30 milionë euro
Firma përjashtohet nga të gjitha taksat dhe detyrimet doganore për importimin e lëndëve të para dhe të pajisjeve të tjera që janë në funksion të veprës
Projekti përfundimtar duhet të realizohet brenda 9 muajve
Punimet e ndërtimit duhet të përfundojnë brenda 2 vjetësh

__________________
It takes just as much courage to express your love when it's right, as it does to walk away when it's wrong.

Denonco këtë mesazh tek moderatorët | IP: e regjistruar

Regjistruar: 10/01/2003
Vendbanimi: .
Mesazhe: 5233

Socialistët kalojnë me forcën e kartonave marrëveshjen për depozitat e naftës në Vlorë

PS kthen në ligj monopolin e naftës

Socialistët miratojnë me forcën e kartonave ratifikimin e marrëveshjes “Për dhënien me koncesion të formës BOO për ndërtimin dhe shfrytëzimin e terminalit të depozitave të naftës dhe nënprodukteve të saj në gjirin e Vlorës” në një sipërfaqje prej 18,3 ha tokë. Në mungesë të opozitës, e cila braktisi sallën pas kundërshtimit shumë të ashpër që i bëri marrëveshjes, maxhoranca mbështeti me 67 vota pro projektmarrëveshjen e nënshkruar nga qeveria shqiptare me firmën italiane “La Petrolifera Italo-Rumena”, sipas ndryshimeve të propozuara nga komisioni i Ekonomisë. Por pavarësisht nga mungesa e deputetëve të opozitës, socialistët nuk kanë arritur as gjatë këtij votimi t’i qëndrojnë në mënyrë unanime vendimit politik të marrë nga grupi parlamentar. Tetë deputetë të PS-së; Mustafa Muçi, Monika Kryemadhi Petro Koçi dhe të tjerë nga partitë aleate, abstenuan gjatë votimit, ndërsa socialisti Shyqyri Duraku votoi kundër ratifikimit të kësaj marrëveshjeje. Edhe pse në Kuvend po shqyrtohej një dokument shumë i rëndësishëm që u jep italianëve monopolin e depozitave të naftës për 30 vjet dhe i fal një sipërfaqje toke prej 18,3 ha krerët e maxhorancës Ruçi e Dokle insistuan shumë që marrëveshja të miratohej edhe pse opozita mungonte në sallë. Ndërkaq edhe pse ndryshimi i kërkuar në komisionin e Ekonomisë për t’i hequr të drejtën e monopolit të tregtimit të naftës kompanisë italiane PIR, ishte paraqitur në komision që gjatë javës që shkoi vendimi nga qeveria, për të pranuar këto propozime është marrë vetëm dy ditë më parë. Madje në sallën e Parlamentit asnjë nga deputetët me përjashtim të kreut të komisionit të Ekonomisë Ylli Bufi, nuk e kishin marrëveshjen e ndryshuar. Nënkryetari i komisionit të Ekonomisë Ridvan Bode tha se ai e kishte kërkuar marrëveshjen e ndryshuar edhe në komision, por ajo nuk ekzistonte. Por Bufi kundërshtoi qëndrimin e mbajtur nga Bode, duke deklaruar se komisioni kishte vepruar në përputhje me të gjitha procedurat parlamentare duke mbyllur shqyrtimin 9 ditë më parë. Ai tha se komisioni për herë të parë kishte ndërhyrë për të përmirësuar një marrëveshje të ardhur nga qeveria. Opozita kërkoi që shqyrtimi i marrëveshjes nga Parlamenti të ndërpritej dhe qeveria të fillonte procedurat për zhvillimin e një tenderi të hapur për t’u krijuar mundësinë edhe firmave të interesuara për të kryer investime të kësaj natyre. Deputeti i PD-së Fatos Bejo tha se firma britanike “Weber”, kishte bërë të njëjtën kërkesë për investim, por Ministria e Energjitikës nuk e kishte marrë në konsideratë, duke favorizuar në mënyrë të dyshimtë firmën italiane PIA. Por ministri i Energjitikës Viktor Doda deklaroi se në kohën kur firma “Weber” në gusht të 2002 kishte depozituar kërkesën, qeveria shqiptare kishte 6 muaj që në shkurt të atij viti që po negocionte me palën italiane. Ai i konsideroi të gjitha kërkesat që firma britanike kishte drejtuar për të filluar investime si joserioze. Por kreu demokrat Berisha kërkoi që Doda të jepte dorëheqjen se po mashtronte Parlamentin duke bërë dy deklarime të ndryshme.

shekulli

__________________
It takes just as much courage to express your love when it's right, as it does to walk away when it's wrong.

Denonco këtë mesazh tek moderatorët | IP: e regjistruar

Regjistruar: 10/01/2003
Vendbanimi: .
Mesazhe: 5233

QEVERIA SHQIPTARE DHE DEPUTETET E ZGJEDHUR NGA POPULLI ME MENEFREGIST PER FATIN E TIJ VAZHDOJNE SHPIKIN LLOJE ALLA SHQIPTARCE KONCESIONESH NDER TE CILAT I FUNDIT ESHTE DHENIA ME KONCESION E AEROPORTIT TE VETEM NDERKOMBETAR TE SHQIPERISE- AEROPORTIT TE RINASIT.

LIND PYETJA NE CILIN SHTET TE BOTES QEVERIA JEP ME KONCESION AEROPORTIN NDERKOMBETAR QE ESHTE THELBESOR PER NJE SHTET NGA
TE GJITHA ANET E MUNDSHME QE MUND TE MERRET??????

KA GJE ME ANTISHQIPTARE ME ANTISHTETERORE ME NUK DI T'I VE EMER?
Ndryshe nga sa pritej dhe ishte deklaruar, deputetët e pranishëm dje në seancën plenare kanë votuar pro marrëveshjes koncesionare me kompaninë "Tirana Airport Partners" duke lejuar dhënien me koncesion të aeroportit ndërkombëtar "Nënë Tereza" dhe zbatimin e pikave të marrëveshjes që janë në shkelje me ligjin. Kështu, në seancën e djeshme plenare, ashtu si edhe në komisionet parlamentare ka pasur debate të shumta dhe kundërshtime nga deputetët e opozitës dhe të Lëvizjes Socialiste për Integrim, por në fund, marrëveshja koncesionare u miratua me 74 vota pro dhe vetëm me dy vota kundër. Gjatë debateve të djeshme, disa prej deputetëve kanë kundërshtuar dhe kërkuar riformulim të marrëveshjes koncesionare, pasi sipas tyre, disa pika janë në shkelje të plotë me ligjin dhe interesat ekonomike të buxhetit të shtetit dhe turizmit. Kështu, në debatin e tij dhe në pyetjet për drejtoreshën e aviacionit civil, Merita Xhafaj që është dhe personi që ka marrë pjesë në negociatat me kompaninë koncesionare, deputeti Gaqo Apostoli ka kërkuar një shifër të saktë të fitimit që rezulton nga nënshkrimi i marrëveshjes dhe arsyen pse është dhënë e drejta ekskluzive e aeroportit të vetëm ndërkombëtar. Përveç Apostolit, kanë qenë edhe deputetë të tjerë si Spartak Braho, Ferit Hoti, Dashamir Shehi e Ridvan Bode që kanë kërkuar ndryshim të pikave të marrëveshjes koncesionare. Dashamir Shehi e ka cilësuar si një shitje të pasurisë kombëtare dhënien me koncesion të "Nënë Terezës" me kushte të tilla.

Dashamir Shehi
"Po shesim aeroportin e vetëm ndërkombëtar dhe kontrata koncesionare është shumë e dëmshme për ekonominë, pasi marrëveshja është ndërtuar në terma totale inferioriteti", -tha dje Dashamir Shehi. Për më tepër ai ka ndarë në pika të veçanta shkeljet e marrëveshjes. "Së pari dua të vë në dukje faktin që ekskluziviteti i Rinasit për të pritur çdo fluturim me prejardhje nga jashtë është një veprim që e dëmton turizmi dhe zhvillimin e tij për vitet e ardhshme, pasi kjo ndalon fluturimet dhe ndërtimin e aeroportit të parashikuar në Delvinë dhe atij në Kuçovë", -u shpreh deputeti Shehi. Si shembull krahasues ai ka sjellë aeroportin e ishullit grek të Korfuzit, që sipas tij mesatarisht pret rreth 3 milionë udhëtarë në vit. "Kemi nevojë për një tjetër aeroport ndërkombëtar, pasi ekskluziviteti dëmton dhe bllokon turizmin", -shtoi Dashamir Shehi. "Së dyti termat me të cilat është parashikuar marrëveshja janë jo të drejtë, pasi rritja e numrit të udhëtarëve pas disa vitesh nuk do të jetë ajo që kanë deklaruar specialistët", -tha Shehi duke shtuar se "para tre vitesh kishim një numër prej 300 mijë udhëtarë, tani kemi 600 mijë, dhe numri do të rritet pasi perspektiva turistike është në rritje". Deputeti opozitar ka thënë se për të përcaktuar termat e marrëveshjes duhej parë ecuria e aeroportit për 20-25 vjet dhe jo për periudhën aktuale, pasi sipas tij, kështu u veprua dhe me shoqëritë e telefonisë së lëvizshme, të cilat brenda vitit patën një normë fitimi të njëjtë me çmimin e blerjes. Në fund të fjalës së tij deputeti Shehi është shpehur kundër tjetërsimit që i është bërë taksës së ulje ngritjeve dhe faktit që për marrëveshjet koncesionare po veprohet gjithmonë në mënyrë të gabuar. "Jemi në rrugën e vjetër, pasi sa herë që shkon Fatos Nano jashtë shtetit kthehet me një copë letër apo kontratë koncesionare, ku falen pasuri kombëtare. Iku në Amerikë dhe u kthye me kontratën e trenit elektrik, iku në Itali dhe u kthye me marrëveshjen për shkarkimin e mijëra ton plehrave, pas kthimit nga Libia patëm një marrëveshje për çimenton e kështu dhe me vizitën në Gjermani, ku po shitet aeroporti", -përfundoi Dashamir Shehi.

Votimi Pro 74
Kundër 2
Abstenim 14

SHEKULLI

__________________
It takes just as much courage to express your love when it's right, as it does to walk away when it's wrong.

Denonco këtë mesazh tek moderatorët | IP: e regjistruar

Regjistruar: 10/01/2003
Vendbanimi: .
Mesazhe: 5233

Qeveria ka vendosur dhënien me koncesion dhe pronë të parikthyeshme, HEC-et e Stranikut dhe Zall-Tores

Vendimi vjen pak ditë pas dhënies me koncesion të HEC-it të Skavicës, që është marrë nga një spekulues burse

TIRANË-Qeveria shqiptare, nën udhëheqjen e kryeministrit Fatos Nano, ka bërë përsëri dhuratën e radhës me pronat shqiptare. Mbledhjen e fundit, krahas rreth 20 vendimeve që ka marrë Këshilli i Ministrave, ka qenë dhe ai për dhënien me koncesion të dy hidrocentraleve në lumin Shkumbin. Sipas vendimit të Këshillit të Ministrave, që është marrë në mbledhjen e së enjtes së shkuar, hidrocentralet do të jepen me koncesion dhe marrëveshja me subjektin “Hidroinvest” do të jetë i tipit BOO. Marëveshja e koncesionare e këtij tipi i lejon subjektit që nënshkron marrëveshjen, që në përfundim të kontratës të jetë pronar i hidrocentraleve.

Kështu, qeveria ka marrë vendimin për dhënien me koncesion të dy hidrocentraleve, atij të Stranikut dhe Zall-Tores në lumin e Radiçinës, në pjesën e sipërme të lumit Shkumbin në Librazhd. Ky është dhe koncesioni i radhës për hidrocentralet, pas të shumëpërfolurit të Skavicës. Por ndryshe nga koncesioni i hidrocentralit të Skavicës, kësaj radhe qeveria ka marrë vendim që, pas ndërtimit dhe shfrytëzimit të të dy hidrocentraleve të dhëna më koncesion firmës “Hidroinvest”, pronësia t’i mbetet kësaj të fundit dhe jo t’i kthehet shtetit shqiptar. Vendimi i qeverisë shprehet “Për fillimin e procedurës së ndërtimit me koncesion të formës BOO (ndërtim-pronësi-shfrytëzim) të hidrocentraleve Stranik dhe Zall-Tore në Komunën Stravaj Librazhd, si propozim i pakërkuar”. Sipas vendimit, hidrocentrali i Stranikut do të ketë një vlerë totale investimi prej 96 milionë lekësh dhe do të ketë fuqi të instaluar prej 1 mijë e 600 kilovat (kW) dhe prodhim mesatar vjetor të energjisë elektrike prej 6,5 milionë kWh. Ndërsa hidrocentrali i Zall-Tores, me vlerë të përgjithshme investimi prej 88 milionë lekësh, do të ketë një fuqi të instaluar prej 2 mijë e 600 kW dhe prodhim mesatar vjetor të energjisë elektrike prej 9,5 milionë kWh. Kështu, ky koncesion është një nga investimet më fitimprurëse, pasi kthimi i tij është në një kohë rekord.

Skavica
Para një muaji përfunduan procedurat për dhënien me koncesion të hidrocentralit të Skavicës. Grupi i kompanive italiane TASSARA-GEOTECNA-KINGLOR (Grupi TGT), në përbërje të të cilit janë TASSARA S.p.A, që është aksionerja kryesore e kompanisë së njohur italiane EDISON, GEOTECNA S.p.A, që njihet në Itali dhe jashtë saj për eksperiencën e madhe në fushën e inxhinierisë civile, kryesisht nga diga e tunele, dhe KINGLOR S.r.l, e njohur për shërbimet inxhinierike, kanë paraqitur studimin, projektpropozimin dhe kërkesën për marrjen me koncesion të formës ndërtim-shfrytëzim-transferim (BOOT) të ndërtimit dhe shfrytëzimit të HEC-it të Skavinës mbi lumin Drin i Zi. Pak ditë pas nënshkrimit të marrëveshjes për HEC-in e Skavicës, shtypi italian nxori të dhëna se aksionerja më e madhe e ndërtimi të këtij hidrocentrali, Tassara, është e njohur si një biznes që bën spekulime në bursë. Carlo Tassara Finanziaria (Ctf) është një kompani e themeluar në janar të vitit 2003 me një kapital themeltar prej 50 milionë eurosh, dhe që ka fituar pronësinë e kuotave dytësore në disa kompani italiane që zotëroheshin më parë nga biznesmeni Romain Zaleski. Handikapi qëndron në faktin që një kompani me kapital themeltar prej 50 milionë eurosh merr me koncesion një hidrocentral me vlerë investimi rreth 540 milionë eurosh. Gjithashtu, në vitin 2000 qeveria shqiptare miratoi një kontratë koncesionare me një kompani italiane të quajtur “Begetti”, dhe që punoi prapa emrit të gjigantit italian Enel, për ndërtimin e hidrocentralit të Kalivaçit, pranë Tepelenës. Ndërkohë, katër vjet pas nënshkrimit të kontratës për ndërtimin e kësaj vepre energjetike, asgjë nuk ishte konkretizuar, dhe kompania ende nuk ka hequr dorë nga kontrata koncesionare. Problem është fakti se kontrata koncesionare për Kalivaçin nuk është zbatuar dhe ka bllokuar shfrytëzimin e të gjithë kaskadës së lumit Vjosë, ku janë planifikuar të ndërtohen rreth 30 hidrocentrale.

Hidrocentrali i Stranikut
Shuma që do të investohet në hidrocentralin e Stranikut do të jetë 96 milionë lekë dhe fuqia mesatare prodhuese e tij do të jetë 6,5 milionë kWh. Kështu, po ta shumëzojmë prodhimin e këtij hidrocentrali prej 6,5 milionë KWh me 4,1 lekë që kushton një kWh, del që hidrocentrali për një vit të gjenerojë 26,6 milionë lekë të ardhura. Kjo do të thotë që për një periudhë 3,6-vjeçare firma “Hidroinvest” do ta nxjerrë të gjithë vlerën e investimit të kryer.

Hidrocentrali i Zall-Tores
Ndërkohë që investimi në hidrocentralin e Zall-Tores do të jetë 88 milionë lekë dhe prodhimi mesatar vjetor 9,5 milionë kWh. Pra, po të bëjmë llogaritjen e kthimit të investimit nga ky hidrocentral, del që i tërë investimi i kryer nga kjo firmë të kthehet për 2-3 vjet.


Marrëveshja e koncesionit
Forma e dhënë me koncesion e dy hidrocentraleve, Straniku dhe Zall-Tores në lumin e Radiçinës është BOO (ndërtim-pronësi-shfrytëzim). Sipas ligjit për koncesionet, kjo do të thotë që në një projekt BOO, kontrata i lejon shoqërisë tregtare të ndërtojë dhe shfrytëzojë një impiant, por nuk i kërkon që t'ia transferojë atë qeverisë a ndonjë institucioni tjetër shtetëror. Pra, objekti i mbetet përgjithnjë firmës

Vendimi i Këshillit të Ministrave
Vendimi parashikon fillimin e procedurës së ndërtimit me koncesion të formës “BOO” nga shoqëria “Hidroinvest” të hidrocentraleve Stranik dhe Zall-Tore, në lumin e Radiçinës, në pjesën e sipërme të lumit Shkumbin në Librazhd. Hidrocentrali i Stranikut, me vlerë totale investimi prej 96 milionë lekë jetë, do të ketë fuqi të instaluar prej 1 600 kW dhe prodhim mesatar vjetor të energjisë elektrike prej 6,5 milion kWh. Ndërsa hidrocentrali i Zall-Tore, me vlerë të përgjithshme investimi prej 88 milionë lekë, do të ketë një fuqi të instaluar prej 2 600 kW dhe prodhim mesatar vjetor të energjisë elektrike prej 9,5 milion kWh.

nuk e di ka mbetur gje pa falur akoma? nuk e di cili shtet ne bote dhuron pronat e veta sic ben qeveria shqiptare. dhe ju doni ta rizgjidhni akoma kete kryeminister.

__________________
It takes just as much courage to express your love when it's right, as it does to walk away when it's wrong.

Denonco këtë mesazh tek moderatorët | IP: e regjistruar